ಡೈಲಿ ವಾರ್ತೆ:15 ಫೆಬ್ರವರಿ 2023
ಕೋಟೇಶ್ವರ: ಬೀಜಾಡಿ ಕ್ರಾಸ್ ಬಳಿ ಆಂಬುಲೆನ್ಸ್ ಹಾಗೂ ಲಾರಿ, ಟಿಪ್ಪರ್ ನಡುವೆ ಸರಣಿ ಅಪಘಾತ, ಇಬ್ಬರಿಗೆ ಗಾಯ
ಕುಂದಾಪುರ:ಕೋಟೇಶ್ವರ ಬೀಜಾಡಿ ಕ್ರಾಸ್ ಬಳಿ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ ಆಂಬುಲೆನ್ಸ್ ಹಾಗೂ ಲಾರಿ ಮತ್ತು ಟಿಪ್ಪರ್ ನಡುವೆ ಸರಣಿ ಅಪಘಾತವು ಬುಧವಾರ ಬೆಳಿಗ್ಗೆ ನಡೆದಿದೆ.
ವಕ್ವಾಡಿಯಿಂದ ರೋಗಿಯನ್ನು ಮಣಿಪಾಲಕ್ಕೆ ಕರೆದುಕೊಂಡು ಹೋಗುವ ಸಂದರ್ಭ ಬೀಜಾಡಿ ಕ್ರಾಸ್ ಬಳಿ ಸರ್ವಿಸ್ ರಸ್ತೆಯಿಂದ ಬಂದ ಆಂಬುಲೆನ್ಸ್ ಹೆದ್ದಾರಿಗೆ ಬರುವಾಗ ಕುಂದಾಪುರದಿಂದ ಉಡುಪಿ ಕಡೆಗೆ ಹೋಗುವ ಲಾರಿ ಆಂಬುಲೆನ್ಸ್ ನ ಹಿಂದುಗಡೆ ಡಿಕ್ಕಿ ಹೊಡೆದಿದ್ದು. ಡಿಕ್ಕಿಯ ರಬಸಕ್ಕೆ ಆಂಬುಲೆನ್ಸ್ ಸರ್ವಿಸ್ ರಸ್ತೆಯಲ್ಲಿ ಬರುತ್ತಿದ್ದ ಟಿಪ್ಪರಿಗೆ ಬಡಿದು ನಿಂತಿರುತ್ತದೆ. ಅಪಘಾತದಿಂದ ಆಂಬುಲೆನ್ಸ್ ನಲ್ಲಿ ರೋಗಿ ಜೊತೆಗಿದ್ದು ಉದಯ ಕುಮಾರ ಹೆಗ್ಡೆ ಹಾಗೂ ಬಾಬಿ ಶೆಡ್ತಿ ಇವರಿಗೆ ಗಂಭೀರ ಗಾಯಗಳಾಗಿದ್ದು. ಆಂಬುಲೆನ್ಸ್ ಚಾಲಕ ಐಯೂಬು ಕೋಟೇಶ್ವರ ಪ್ರಾಣಪಾಯದಿಂದ ಪಾರಾಗಿದ್ದಾರೆ.
ತಕ್ಷಣ ಸ್ಥಳೀಯರು ರೋಗಿ ಹಾಗೂ ಗಾಯಗೊಂಡವರನ್ನು ಕೋಟೇಶ್ವರ ಎನ್. ಆರ್. ಆಸ್ಪತ್ರೆಗೆ ದಾಖಲಿಸಿದ್ದಾರೆ.
ಸ್ಥಳಕ್ಕೆ ಕುಂದಾಪುರ ಪೊಲೀಸರು ಭೇಟಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.