ಡೈಲಿ ವಾರ್ತೆ:22 ಫೆಬ್ರವರಿ 2023
ಕೋಟ: ಟ್ರಾನ್ಸ್ ಫಾರ್ಮರ್ ನಿಂದ ಪೊದೆಗೆ ಬೆಂಕಿ, ಅಗ್ನಿ ಶಾಮಕ ದಳದವರಿಂದ ಕಾರ್ಯಾಚರಣೆ!
ಕೋಟ: ಕೋಟ ನಟರಾಜ್ ಹೋಟೆಲ್ ಎದುರುಗಡೆ (ಹಳೆ KEB ಹತ್ತಿರ) ರಾಷ್ಟ್ರೀಯ ಹೆದ್ದಾರಿ 66ರ ಸಮೀಪ ಟ್ರಾನ್ಸ್ ಫಾರ್ಮರ್ ನಿಂದ ಬಿದ್ದ ಬೆಂಕಿ ಕಿಡಿಯಿಂದ ಪೊದೆಗೆ ಬೆಂಕಿಹೊತ್ತಿಕೊಂಡ ಘಟನೆ ಮಂಗಳವಾರ ರಾತ್ರಿ ನಡೆದಿದೆ.
ವಿದ್ಯುತ್ ಕಿಡಿಯಿಂದಾಗಿ ಪೊದೆಗೆ ಬೆಂಕಿ ಹಿಡಿದಿದ್ದು ತಕ್ಷಣ ಜೀವನ್ ಮಿತ್ರ ನಾಗರಾಜ್ ಪುತ್ರನ್, ಕೋಟ ಆರಕ್ಷಕ ಠಾಣಾ ಸಿಬ್ಬಂದಿ ಮತ್ತು ಸ್ಥಳೀಯರ ಸಮಯ ಪ್ರಜ್ಞೆಯಿಂದ ಹೆಚ್ಚಿನ ಅನಾಹುತ ತಪ್ಪಿದೆ. ಬೆಂಕಿ ಹತೋಟಿ ಬಾರದ ಕಾರಣ ಮುಂಜಾಗ್ರತವಾಗಿ ಅಗ್ನಿ ಶಾಮಕದಳದವರಿಗೆ ಮಾಹಿತಿ ನೀಡಿದ್ದು. ಅವರ ಕಾರ್ಯಾಚರಣೆಯಿಂದ ಬೆಂಕಿಯನ್ನು ನಂದಿಸಿ ದೊಡ್ಡ ದುರಂತವನ್ನು ತಪ್ಪಿಸಿದರು. ರಾತ್ರಿ ಸಮಯವಾದ್ದರಿಂದ ಸ್ಥಳೀಯರ ಸಮಯ ಪ್ರಜ್ಞೆಯ ಕಾರಣ
ಆಸುಪಾಸಿನಲ್ಲಿ ಇದ್ದ ಅನೇಕ ಮನೆ ಮತ್ತು ತೋಟಕ್ಕೆ ಯಾವುದೇ ಹಾನಿಯಾಗಿಲ್ಲ.