ಜಿಲ್ಲೆ |
February 10, 2024

ಡೈಲಿ ವಾರ್ತೆ: 10/Feb/2024

ಮೂಡುಗೋಪಾಡಿಯಲ್ಲಿ ಐ ಬಿ ಟಿ ಗಾರ್ಡನ್ ನೂತನ ಕಟ್ಟಡ ಲೋಕಾರ್ಪಣೆ

ಕುಂದಾಪುರ: ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಮೂಡುಗೋಪಾಡಿಯಲ್ಲಿ ಐ ಬಿ ಟಿ ಗಾರ್ಡನ್ ಶಿಕ್ಷಣ ಸಂಸ್ಥೆಯ ನೂತನ ಕಟ್ಟಡವು ಫೆ. 10 ರಂದು ಶನಿವಾರ ಬೆಳಿಗ್ಗೆ ಉದ್ಘಾಟನೆಗೊಂಡಿತು.

ಐಬಿಟಿ ಗಾರ್ಡನ್ ಚಯರ್ಮನ್ ರಾದ ಅಸ್ಸಯ್ಯಿದ್ ಜಾಫರ್ ಅಸ್ಸಖಾಫ್ ಕೋಟೇಶ್ವರ ತಂಙಳ್ ರವರು ನೂತನ ಕಟ್ಟಡವನ್ನು ಉದ್ಘಾಟಿಸಿದರು. ಅವರು ಮಾತನಾಡಿ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನಲ್ಲಿ ಒಂದು ದೀನಿ ಸ್ಥಾಪನೆ ಮಾಡುವ ಉದ್ದೇಶದಿಂದ ಮತ್ತು ಯತೀಂ ಮಕ್ಕಳ ಹಾಗೂ ಬಡ ಮಕ್ಕಳ ಶಿಕ್ಷಣದ ಕೊರತೆಯನ್ನು ನೀಗಿಸುವ ಉದ್ದೇಶದಿಂದ ಈ ಕಟ್ಟಡವನ್ನು ನಿರ್ಮಿಸಲಾಗಿದೆ. ಈ ನೂತನ ಕಟ್ಟಡವನ್ನು ಇಂದು 14ನೇ ವರ್ಷದ ಹುಬ್ಬುರ್ರಸೂಲ್ ಕಾರ್ಯಕ್ರಮ ದಂದು ಉದ್ಘಾಟಿಸಲಾಗಿದೆ ಎಂದು ತಂಙಳ್ ಹೇಳಿದರು.

ಅಸ್ಸಯ್ಯಿದ್ ಇಬ್ರಾಹಿಂ ಜುನೈದ್ ಅರ್ರಿಫಾಯೀ ತಂಙಳ್ ರಂಗಿನಕೆರೆ ಇವರ ದುವಾದೊಂದಿಗೆ ಕಾರ್ಯಕ್ರಮ ಪ್ರಾರಂಭಗೊಂಡಿತ್ತು.

ಎಸ್ ವೈ ಎಸ್ ಜಿಲ್ಲಾಧ್ಯಕ್ಷ ಕೆ. ಎ. ಅಬ್ದುರ್ರಹ್ಮಾನ್ ರಝ್ವಿ ಕಲ್ಕಟ್ಟ ರವರು ಸಭಾ ಕಾರ್ಯಕ್ರಮವನ್ನು ಉದ್ಘಾಟಿಸಿರು ಅವರು ಮಾತನಾಡಿ ಈ ನೂತನ ಐಬಿಟಿ ಗಾರ್ಡನ್ ಕಟ್ಟಡವು ಧಾರ್ಮಿಕ, ಲೌಕಿಕ, ಸಮನ್ವಯ ಶಿಕ್ಷಣ ವಿದ್ಯಾಕೇಂದ್ರವಾಗಿದೆ.
ಕುಂದಾಪುರ ತಾಲೂಕಿನ ಮೂಡುಗೋಪಾಡಿಯಲ್ಲಿ ಒಂದು ವಿಶಾಲವಾದ ವಿದ್ಯಾ ಕೇಂದ್ರ ಮಾಡಬೇಕೆಂಬ ಒಂದು ಕೋಟೇಶ್ವರ ತಂಙಳ್ ರವರ ಬಹು ದೊಡ್ಡ ಕನಸಾಗಿದೆ ಅಲ್ಲದೆ ಈ ಶಿಕ್ಷಣ ಸಂಸ್ಥೆಯಲ್ಲಿ ಧಾರ್ಮಿಕ ಶಿಕ್ಷಣದೊಂದಿಗೆ ಲೌಕಿಕ ಶಿಕ್ಷಣ, ಸಾಮಾಜಿಕ, ಶೈಕ್ಷಣಿಕವಾಗಿ ನಮ್ಮ ಮಕ್ಕಳು ಮುಂದೆ ಬರಬೇಕು ಎನ್ನುವ ಉದ್ದೇಶವಾಗಿದೆ ಎಂದು ಹೇಳಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಸ್ಸಯ್ಯಿದ್ ಜಾಫರ್ ಅಸ್ಸಖಾಫ್ ತಂಙಳ್ ಕೋಟೇಶ್ವರರವರು ವಹಿಸಿದ್ದರು.
ಐಬಿಟಿ ಗಾರ್ಡನ್ ಪ್ರಧಾನ ಕಾರ್ಯದರ್ಶಿ ಬಿ ಎಮ್ ನಾಸಿರ್ ಪ್ರಸ್ತಾವಿಕ ಮಾತನಾಡಿ ಅತಿಥಿಗಳನ್ನು ಸ್ವಾಗತಿಸಿದರು.
ಧ್ವಜಾರೋಹಣವನ್ನು ಐಬಿಟಿ ಗಾರ್ಡನ್ ಚಯರ್ಮನ್ ರಾದ ಅಸ್ಸಯ್ಯಿದ್ ಜಾಫರ್ ಅಸ್ಸಖಾಫ್ ಕೋಟೇಶ್ವರ ತಂಙಳ್ ನೆರವೇರಿಸಿದರು.

ಕುಂದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಕೆ. ಕಿರಣ್ ಕುಮಾರ್ ಕೊಡ್ಗಿ ಅವರು ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಕಾಳಾವರ ಗ್ರಾ. ಪಂ. ಅಧ್ಯಕ್ಷ ಮಂಜುನಾಥ್ ಶೆಟ್ಟಿಗಾರ್, ಪಂಚಾಯತ್ ಸದಸ್ಯ ರಮೇಶ್ ಶೆಟ್ಟಿ, ಗೋಪಾಡಿ ಗ್ರಾ. ಪಂ. ಅಧ್ಯಕ್ಷ ಸುರೇಶ್ ಶೆಟ್ಟಿ, ವಾರ್ಡ್ ಸದಸ್ಯ ಆನಂದ್ ಆಚಾರಿ, ಉಡುಪಿ ಜಿಲ್ಲಾ ವಕ್ಫ್ ಬೋರ್ಡ್ ಅಧ್ಯಕ್ಷ ಸಿ ಎಚ್ ಅಬ್ದುಲ್ ಮುತ್ತಲಿಬ್, ಮೂಡುಗೋಪಾಡಿ ಆರ್ ಜೆ ಗೌರವಾಧ್ಯಕ್ಷ ಜಿ. ಮೊಹಮ್ಮದ್, ಹಾಜಿ ಇದ್ದೀನಬ್ಬ ಹಂಗಳೂರು, ನಾವುಂದ ಹಾಜಿ ತೌಫೀಕ್ ಅಬ್ದುಲ್, ಶೇಕ್ ಪರಿಧಿ ಭಾಷಾ ಸಾಹೇಬ್ ಕುಂದಾಪುರ , ಹಾಜಿ ಎನ್. ಅಂದುಕ್ ಸಾಹೇಬ್ ನಾವುಂದ, ಐಬಿಟಿ ಗಾರ್ಡನ್ ನಿರ್ದೇಶಕ ಸಯ್ಯದ್ ಹುಸೇನ್ ಶಮಿರ್ ಅಸ್ಸಕ್ಅಫ್ ಸಖಾಫಿ, ಮೂಡುಗೋಪಾಡಿ ಆರ್.ಜೆ.ಎಂ. ಅಧ್ಯಕ್ಷ ಎಚ್. ನಾಸಿರ್, ಹಾಜಿ ಬಿ ಎಂ ಹಂಝ, ಹಾಜಿ ಬಿ ಎ ಮೊಹಮ್ಮದ್, ಐಬಿಟಿ ಕಟ್ಟಡ ಕಮಿಟಿ ಅಧ್ಯಕ್ಷ ಶಾಬನ್ ಎಎಚ್, ಐಬಿಟಿ ಕಟ್ಟಡ ಕಮಿಟಿಯ ಕೋಶಾಧಿಕಾರಿ ಬಿಎಸ್ಎಫ್ ರಫೀಕ್ ಗಂಗೊಳ್ಳಿ, ಉಡುಪಿ ಜಿಲ್ಲಾ ವಕ್ಫ್ ಬೋರ್ಡ್ ಮಾಜಿ ಅಧ್ಯಕ್ಷ ಕೆ ಪಿ ಇಬ್ರಾಹಿಂ ಮಟಪಾಡಿ, ರಿಪಾಯಿಯ ಮಸೀದಿ ಕೋಟತಟ್ಟು ಪಡುಕರೆಯ ಅಧ್ಯಕ್ಷ ಇಸ್ಮಾಯಿಲ್ ಎ., ಕೋಡಿಕನ್ಯಾನ ಎಂ.ಜೆ.ಎಂ. ಮಸೀದಿಯ ಪ್ರಧಾನಕಾರ್ಯದರ್ಶಿ ಹುಸೇನ್ ಕೆ ಎಚ್ ಪಡುಕರೆ, ಐಬಿಟಿ ಗಾರ್ಡನ್ ಮ್ಯಾನೇಜರ್ ಅಮಿರ್ ಖಾನ್ ಅಸಾನಿ, ಕೋಡಿ ಮುಯ್ಯುದ್ದೀನ್ ಜುಮಾ ಮಸೀದಿಯ ಅಧ್ಯಕ್ಷ ಮುಸ್ತಫಾ ಹಾಗೂ ಊರ ಪರಊರ ಮಹನೀಯರು ಉಪಸ್ಥಿತರಿದ್ದರು.

ಕಾರ್ಯಕ್ರಮವನ್ನು ಬಿ ಎಮ್ ನಾಸಿರ್ ನಿರೂಪಿಸಿ, ವಂದಿಸಿದರು.
ಇಂದು ಸಂಜೆ 4:30 ರಿಂದ ಅಸ್ಸಯ್ಯಿದ್ ಜಾಫರ್ ಅಸ್ಸಖಾಫ್ ತಂಙಳ್ ಕೋಟೇಶ್ವರ ಇವರ ನೇತೃತ್ವದಲ್ಲಿ ಹುಬ್ಬುರ್ರಸೂಲ್ ಬುರ್ದಾ ಕಾನ್ಫರೆನ್ಸ್ ಐಬಿಟಿ ಗಾರ್ಡನ್ ಕ್ಯಾಂಪಸ್ ಮೂಡುಗೋಪಾಡಿನಲ್ಲಿ ನಡೆಯಲಿದೆ.