ಡೈಲಿ ವಾರ್ತೆ: 19/Mar/2024
ಹಂಗಾರಕಟ್ಟೆ ಬಿ. ಡಿ. ಶೆಟ್ಟಿ ಕಾಲೇಜ್ ನಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ಜಿಲ್ಲೆ ಹಾಗೂ ಬ್ರಹ್ಮಾವರ ತಾಲೂಕು ಘಟಕದ ವತಿಯಿಂದ ದತ್ತಿ ಉಪನ್ಯಾಸ ಕಾರ್ಯಕ್ರಮ
ಕೋಟ: ಕನ್ನಡ ಸಾಹಿತ್ಯ ಪರಿಷತ್ತು ಉಡುಪಿ ಜಿಲ್ಲೆ, ಕನ್ನಡ ಸಾಹಿತ್ಯ ಪರಿಷತ್ ಬ್ರಹ್ಮಾವರ ತಾಲೂಕು ಘಟಕದ ವತಿಯಿಂದ ದತ್ತಿ ಉಪನ್ಯಾಸ ಕಾರ್ಯಕ್ರಮವು ಬಿ.ಡಿ. ಶೆಟ್ಟಿ ಕಾಲೇಜ್ ಆಫ್ ಬ್ಯುಸಿನೆಸ್ ಮ್ಯಾನೇಜ್ಮೆಂಟ್ ಹಂಗಾರಕಟ್ಟೆ ಐರೋಡಿ ಇಲ್ಲಿ ತಾರಾನಾಥ್ ಶೆಟ್ಟಿ ವ್ಯವಸ್ಥಾಪಕರು ಬಿ.ಡಿ. ಶೆಟ್ಟಿ ಕಾಲೇಜ್ ಹಂಗಾರಕಟ್ಟೆ ಐರೋಡಿ ಇವರು ಉದ್ಘಾಟನೆ ನೆರವೇರಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬ್ರಹ್ಮಾವರ ಕಸಾಪ ಅಧ್ಯಕ್ಷ ರಾಮಚಂದ್ರ ಐತಾಳ್ ಇವರು ವಹಿಸಿದ್ದರು.
ಸಾಹಿತ್ಯ ಪರಿಷತ್ತಿನ ಉದ್ದೇಶವನ್ನು ಆಶಯ ನುಡಿಯಾಗಿ ನೀಲಾವರ ಸುರೇಂದ್ರ ಅಡಿಗಳು ನೆರವೇರಿಸಿದರು.
ದತ್ತಿ ಉಪನ್ಯಾಸಕ್ಕಾಗಿ ಪ್ರೊಫೆಸರ್ ಉಪೇಂದ್ರ ಸ್ವಾಮಿಜಿ, ಗಣೇಶ್ ಜಿ. ಹಾಗೂ ಸವಿತಾ ಶಾಸ್ತ್ರಿ ವಿದ್ಯಾರ್ಥಿಗಳಲ್ಲಿ ಸಾಹಿತ್ಯದ ಅಗತ್ಯದ ಬಗ್ಗೆ ವಿವರಿಸಿದ್ದರು. ಅತಿಥಿಗಳಾಗಿ ಸೂರಲು ನಾರಾಯಣಮಡಿ, ಶ್ರೀಮತಿ ಸ್ಮಿತಾ ಶುಭ ಕೋರಿದರು. ಕಾಲೇಜಿನ ಅಧ್ಯಾಪಕ ಸುಕುಮಾರ್ ಅವರು ಕಾರ್ಯಕ್ರಮ ನಿರೂಪಿಸಿ, ವಂದನಾರ್ಪಣೆ ಮಾಡಿದರು.