ಡೈಲಿ ವಾರ್ತೆ: 08/April/2024
ಕುಂದಾಪುರ: ಕೋಟೆ ಕೋಡಿ ಬದ್ರಿಯಾ ಯಂಗ್ ಮೆನ್ಸ್ ವತಿಯಿಂದ ಬೃಹತ್ ಸೌಹಾರ್ದ ಇಫ್ತಾರ್ ಕೂಟ
ಕುಂದಾಪುರ:ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಕೋಟೆ ಕೋಡಿ ಬದ್ರಿಯಾ ಯಂಗ್ ಮೆನ್ಸ್ ವತಿಯಿಂದ ಬೃಹತ್ ಸೌಹಾರ್ದ ಇಫ್ತಾರ್ ಕೂಟವು ಏ. 5 ರಂದು ಕೋಟೆ ಕೋಡಿಯ ಬದ್ರಿಯ ಜುಮ್ಮಾ ಮಸೀದಿ ವಠಾರದಲ್ಲಿ ನಡೆಯಿತು.
ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಬದ್ರಿಯಾ ಯಂಗ್ ಮನ್ಸ್ ಅಧ್ಯಕ್ಷ ಅಬ್ದುಲ್ ಲತೀಫ್ ಎಂ. ಕೆ. ಮಾತನಾಡಿ ಸಾಮರಸ್ಯ ಅಗತ್ಯತೆಗೆ ಇಫ್ತಾರ್ ಕೂಟ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಹೇಳಿದರು. ಅಲ್ಲದೆ ಬಂದ ಅತಿಥಿಗಳನ್ನು ಸ್ವಾಗತಿಸಿದರು.
ಈ ಇಫ್ತಾರ್ ಕೂಟದಲ್ಲಿ ಬದ್ರಿಯಾ ಜುಮ್ಮಾ ಮಸೀದಿಯ ಖತಿಬ್ ರಾದ ಇಸ್ಮಾಯಿಲ್ ಸಖಾಪಿ ಅಲ್ ಹಿಕಮಿ, ಬದ್ರಿಯಾ ಜುಮ್ಮಾ ಮಸೀದಿಯ ಅಧ್ಯಕ್ಷ ಅಶ್ರಫ್ ಬ್ಯಾರಿ, ಉಪಾಧ್ಯಕ್ಷರು ಬಶೀರ್ ಕೋಟೆ, ಬದ್ರಿಯಾ ಯಂಗ್ ಮನ್ಸ್ ಕಮಿಟಿಯ ಕಾರ್ಯದರ್ಶಿ ಅಬ್ದುಲ್ ಖಾದರ್, ಜೊತೆ ಕಾರ್ಯದರ್ಶಿ ಸುಹೇಲ್, ಕೋಶಾಧಿಕಾರಿ ಅಭ್ರರ್, ಸಹ ಕೋಶಾಧಿಕಾರಿ ಜುನೈದು ಹಾಗೂ ಆಫ್ಜಲ್, ಮತ್ತು ಪುರಸಭಾ ಸದಸ್ಯ ಅಷ್ಪಾಕ್ ಕೋಡಿ ಮತ್ತು ಊರಿನ ಹಿರಿಯರಾದ ಅಬ್ದುಲ್ ಕೋಟೆ, ಶಂಕರ್ ಪೂಜಾರಿ, ಭಾಸ್ಕರ್ ಪೂಜಾರಿ, ಸಂದೀಪ್ ಹಾಗೂ ಇನ್ನಿತರ ಊರಿನ ಹಿರಿಯ ಸಮಾಜ ಬಾಂಧವರು ಹಾಗೂ ಕೆ. ಬಿ. ಫ್ರೆಂಡ್ಸ್ ಕೋಟೆ ಮತ್ತು ಕೋಡಿ ಸರ್ವ ಮುಸ್ಲಿಂ ಬಾಂಧವರು ಈ ಇಫ್ತಾರ್ ಕೂಟದಲ್ಲಿ ಭಾಗವಸಿದರು.