ಡೈಲಿ ವಾರ್ತೆ: 12 ಡಿಸೆಂಬರ್ 2022
ಕನ್ನಡದ ಹಾಸ್ಯ ನಟ: ಜಗ್ಗೇಶ್ ಆಪ್ತ, ವಸ್ತ್ರ ವಿನ್ಯಾಸಕ ಗಂಡಸಿ ನಾಗರಾಜ್ ವಿಧಿವಶ
ಬೆಂಗಳೂರು: ಕಳೆದ ನಾಲ್ಕು ದಶಕಗಳಿಂದ ಕನ್ನಡದ ಚಿತ್ರರಂಗದಲ್ಲಿ ಸಕ್ರಿಯರಾಗಿ, ಸಾವಿರಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದ ನಟ ಗಂಡಸಿ ನಾಗರಾಜ್ (65) ಅನಾರೋಗ್ಯದಿಂದ ಸೋಮವಾರ (ಡಿ.12 ರಂದು) ನಿಧನರಾಗಿದ್ದಾರೆ.
ಎರಡೂ ಕಿಡ್ನಿಯನ್ನು ಕಳೆದುಕೊಂಡಿದ್ದ ಅವರು, ಇತ್ತೀಚೆಗೆ ಅನಾರೋಗ್ಯದಿಂದ ಬಳಲುತ್ತಿದ್ದರು. ಸೋಮವಾರ ಬೆಂಗಳೂರಿನಲ್ಲಿ ಅವರು ನಿಧನರಾಗಿದ್ದಾರೆ.
ಚಂದನವನದಲ್ಲಿ ನಟ ಹಾಗೂ ಕಾಸ್ಟ್ಯೂಮ್ ಡಿಸೈನರ್ ಆಗಿಯೂ ಅವರು ಮಿಂಚಿದ್ದರು. ನವರಸ ನಾಯಕ ಜಗ್ಗೇಶ್ ಅವರ ಅನೇಕ ಸಿನಿಮಾಗಳಿಗೆ ಕಾಸ್ಟ್ಯೂಮ್ ಡಿಸೈನ್ ಮಾಡಿದ್ದಾರೆ. ಜಗ್ಗೇಶ್ ಹಾಗೂ ನಾಗರಾಜ್ ಆತ್ಮೀಯರಾಗಿದ್ದರು.
ಸರ್ವರ್ ಸೋಮಣ್ಣ, ಭಂಡ ನನ್ನ ಗಂಡ, ಹಬ್ಬ, ಶ್ರೀ ಮಂಜುನಾಥ, ‘ಗುಂಡನ ಮದುವೆ’, ‘ಸೂಪರ್ ನನ್ಮಗ’, ‘ರಾಯರ ಮಗ’, ‘ ‘ಮದುವೆ’, ‘ಪರ್ವ’, ‘ಮಾತಾಡು ಮಾತಾಡು ಮಲ್ಲಿಗೆ’ ʼರಾಜಾಹುಲಿʼ ಹಾಗೂ ಕೊನೆಯ ಬಾರಿ ʼಕೋಟಿಗೊಬ್ಬ-3ʼ ಸಿನಿಮಾದಲ್ಲಿ ನಟಿಸಿದ್ದರು.
1 ಸಾವಿರಕ್ಕೂ ಹೆಚ್ಚಿನ ಸಿನಿಮಾಗಳಲ್ಲಿ ವಿವಿಧ ಪಾತ್ರವನ್ನು ಮಾಡಿದ್ದಾರೆ.