ಡೈಲಿ ವಾರ್ತೆ:23 ಮೇ 2023
ಮಲೇಷಿಯಾ ಸಿಂಗಾಪುರ್ ಮಾಸ್ಟರ್ ಅಥ್ಲೆಟಿಕ್ ಕ್ರೀಡಾಕೂಟಕ್ಕೆ ಭಾರತದ ಪ್ರತಿನಿಧಿಯಾಗಿ ಭಾಗವಹಿಸಲಿರುವ ಕೋಟ ದಿನೇಶ್ ಗಾಣಿಗ
ಕೋಟ : ಮಲೇಷಿಯಾದ ಸಿಂಗಪುರದಲ್ಲಿ ಇದೇ ಮೇ 26 ಮತ್ತು 27 ರಂದು ನಡೆಯಲಿರುವ ಮಾಸ್ಟರ್ ಅಥ್ಲೆಟಿಕ್ ಕ್ರೀಡಾಕೂಟದಲ್ಲಿ ಭಾರತದ ಪ್ರತಿನಿಧಿಯಾಗಿ ರಾಷ್ಟ್ರೀಯ ಮಾನವ ಹಕ್ಕು ರಾಜ್ಯ ಸಮಿತಿ ಪ್ರಧಾನಕಾರ್ಯದರ್ಶಿ, ಕೋಟದ ಹೆಮ್ಮೆಯ ಪುತ್ರ, ಖ್ಯಾತ ಕ್ರೀಡಾಪಟು ದಿನೇಶ್ ಗಾಣಿಗ ಭಾಗವಹಿಸಲಿದ್ದು. ಅವರು ಮೇ 23ರಂದು (ಇಂದು ಮಂಗಳವಾರ) ಮಲೇಷಿಯಾಕ್ಕೆ ತೆರಳಲಿದ್ದಾರೆ.
2019ರಲ್ಲಿ ಸಿಂಗಪುರದಲ್ಲಿ ನಡೆದಿದ್ದ ಕ್ರೀಡಾಕೂಟದಲ್ಲಿ ದಿನೇಶ್ ಗಾಣಿಗ ವೇಗ ನಡಿಗೆ, ಲಾಂಗ್ ಜಂಪ್ ಮತ್ತು ಟ್ರಿಪಲ್ ಜಂಪ್ ವಿಭಾಗಗಳಲ್ಲಿ ಸ್ಪರ್ಧಿಸಿ ಒಂದು ಚಿನ್ನ ಮತ್ತು ಒಂದು ಬೆಳ್ಳಿ ಹಾಗೂ ಕಂಚು ಪದಕ ಗೆದ್ದಿದ್ದರು.
2022 ರಲ್ಲಿ ಶ್ರೀಲಂಕಾದಲ್ಲಿನ ಕ್ರೀಡಾಕೂಟದಲ್ಲಿ ಭಾರತವನ್ನು ಪ್ರತಿನಿಧಿಸಿದ ಇವರು ಕಂಚು ಪದಕ ಮುಡಿಗೇರಿಸಿಕೊಂಡಿದ್ದರು. ಸಿಂಗಾಪುರದ ಕ್ರೀಡಾಕೂಟಕ್ಕಾಗಿ ಇವರು ಮಂಗಳವಾರ ಹೊರಡಲಿದ್ದಾರೆ. ಕೋಟತಟ್ಟು ಗ್ರಾಮದ ಈ ಹೆಮ್ಮೆಯ ಕುವರ ಈ ಬಾರಿಯೂ ಕ್ರೀಡಾಕೂಟದಲ್ಲಿ ವಿಜಯಶಾಲಿಯಾಗಿ, ಚಿನ್ನದ ಪದಕಗಳೊಂದಿಗೆ ಹಿಂತಿರುಗಲಿ, ಭಾರತದ ಕೀರ್ತಿ ಪತಾಕೆಯನ್ನು ಇನ್ನಷ್ಟು ಎತ್ತರಕ್ಕೆ ಏರಿಸಲಿ ಎಂದು ಗ್ರಾಮಸ್ಥರು ಹಾರೈಸಿದ್ದಾರೆ.