ಡೈಲಿ ವಾರ್ತೆ: 10 ಜುಲೈ 2023
ಸಾಲಿಗ್ರಾಮ:ಅನಾಥರಾಗಿದ್ದ ಒಂಟಿ ಮಹಿಳೆಯನ್ನು ಸ್ಥಳೀಯರ ಸಹಕಾರದಿಂದ ವೃದ್ಧಾಶ್ರಮಕ್ಕೆ ಸೇರಿಸುವ ಬಗ್ಗೆ ನಿರ್ಣಯ!
ಕೋಟ: ಬ್ರಹ್ಮಾವರ ತಾಲೂಕಿನ ಸಾಲಿಗ್ರಾಮದ ಕಾರ್ಕಡ ಬಡಾಹೋಳಿ ನಿವಾಸಿ ಹಳೆಯಮ್ಮ ಎನ್ನುವ ಒಂಟಿ ಮಹಿಳೆ ಅನಾಥರಾಗಿದ್ದು ಶಿಥಿಲಗೊಂಡ ಮನೆಯಲ್ಲಿ ವಾಸವಾಗಿದ್ದಾರೆ.
ಇತ್ತೀಚಿನ ಮಳೆಗೆ ಮನೆ ಭಾಗಶಃ ಜಖಂಗೊಂಡಿದೆ. ಸರಿಯಾಗಿ ಪೋಷಣೆ ಇಲ್ಲದ ಕಾರಣ ನಡೆಯಲು ಕೂಡ ಅಸಾಧ್ಯವಾಗಿದೆ.
ಪಕ್ಕದ ಮನೆಯವರು ಊಟ ತಿಂಡಿ ನೀಡುತ್ತಿದ್ದುರೂ ಸಂತ್ರಸ್ಥೆ ಸರಿಯಾದ ಸ್ವಚ್ಛತೆ ನಿರ್ವಹಣೆ ಇಲ್ಲದ ಕಾರಣ ಅನಾರೋಗ್ಯಕ್ಕೆ ತುತ್ತಾಗುವ ಸಂಭವವಿದೆ. ಸ್ಥಳೀಯರು ಸ್ಥಳಕ್ಕೆ ಭೇಟಿ ನೀಡಿ ಸಂತ್ರಸ್ತರನ್ನು ವೃದ್ಧಾಶ್ರಮಕ್ಕೆ ಸೇರಿಸುವ ಬಗ್ಗೆ ನಿರ್ಣಯಿಸಿರುತ್ತಾರೆ. ಸದ್ರಿ ವಿಚಾರವಾಗಿ ಪೊಲೀಸ್ ಇಲಾಖೆ ಮತ್ತು ಪಟ್ಟಣ ಪಂಚಾಯತ್ ಗಮನಕ್ಕೆ ತಂದು ಮುಂದಿನ ಕಾರ್ಯದ ಬಗ್ಗೆ ಮಾತುಕತೆ ನಡೆಸಲಾಯಿತು.
ಈ ಸಂದರ್ಭ ರಮೇಶ್ ಮೆಂಡನ್ ಸಾಲಿಗ್ರಾಮ, ಅಚ್ಯುತ್ ಪೂಜಾರಿ, ಗಣೇಶ್ ಕೆ. ರಘು ಬಡಾಹೋಳಿ, ಸುರೇಶ್ ಮೆಂಡನ್ ಉಪಸ್ಥಿತರಿದ್ದರು.