ಡೈಲಿ ವಾರ್ತೆ: 15 ಜುಲೈ 2023
ಬ್ರಹ್ಮಾವರ: ಬೈಕ್ ಸ್ಕಿಡ್ ಆಗಿ ಸಹಸವಾರೆ ಖಾಸಗಿ ಕಾಲೇಜಿನ ಸಿಬ್ಬಂದಿ ಮೃತ್ಯು!
ಬ್ರಹ್ಮಾವರ: ಬೈಕ್ ಸ್ಕಿಡ್ ಆಗಿ ಸಹಸವಾರೆ ಮೃತಪಟ್ಟ ಘಟನೆ ಇಂದು ಮಧ್ಯಾಹ್ನ ಬ್ರಹ್ಮಾವರ- ಹೆಬ್ರಿ ಮುಖ್ಯ ರಸ್ತೆ ಕೊಳಂಬೆ ಎಂಬಲ್ಲಿ ನಡೆದಿದೆ.
ಬೈಕ್ ಸವಾರ ಸುಧೀಂದ್ರ (39) ಹಾಗೂ ಕೋಟೇಶ್ವರ ನಿವಾಸಿ ಶಾಂಭವಿ(59) ಬಹ್ಮಾವರ ಖಾಸಗಿ ಕಾಲೇಜ್ ಲ್ಯಾಬ್ ಟೆಕ್ನಿಸಿಯನ್ ಹಾಗೂ ಲೈಬ್ರೆರಿಯನ್ ಆಗಿ ಕೆಲಸ ನಿರ್ವಹಿಸುತ್ತಿರುವರು. ಅವರು ಇಂದು ಮಧ್ಯಾಹ್ನ ಕೆಲಸ ಮುಗಿಸಿ ಮನೆ ಕಡೆ ಹೋಗುತ್ತಿದ್ದಾಗ ಬೈಕ್‌ನಲ್ಲಿ ಆಯ ತಪ್ಪಿ ಬಿದ್ದಿದ್ದರು. ಅಪಘಾತದಿಂದ ಸಹಸವಾರೆ ಕ್ರಾಸ್ ಲ್ಯಾಂಡ್ ಕಾಲೇಜಿನ ಲೈಬ್ರೆರಿಯನ್ ಶಾಂಭವಿ ರಸ್ತೆಗೆ ಬಿದ್ದು ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ಸಾಗಿಸುವಾಗ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.