ಡೈಲಿ ವಾರ್ತೆ: 03/DEC/2023
ಕೃಷ್ಣಾಪುರ : ಎ.ಎಂ.ಎ ಓಲ್ಡ್ ಸ್ಟೂಡೆಂಟ್ ಅಸೋಸಿಯೇಷನ್ ವತಿಯಿಂದ ವಿಕಲ ಚೇತನರ ದಿನಾಚರಣೆ ಪ್ರಯುಕ್ತ ದ್ವಿಚಕ್ರ ವಾಹನ ವಿತರಣೆ
ಸುರತ್ಕಲ್ : ಕೃಷ್ಣಾಪುರ ಎಂಟನೇ ಎ ಬ್ಲಾಕ್ ಎ.ಎಂ.ಎ ಓಲ್ಡ್ ಸ್ಟೂಡೆಂಟ್ ಅಸೋಸಿಯೇಷನ್
ವತಿಯಿಂದ ವಿಕಲ ಚೇತನ ದಿನಾಚರಣೆಯ ಪ್ರಯುಕ್ತ ಭಾನುವಾರ ಅಲ್ ಹುದಾ ಮಸೀದಿ ವಠಾರದಲ್ಲಿ ದ್ವಿಚಕ್ರ ವಾಹನ ವಿತರಿಸಲಾಯಿತು.
ಇತ್ತೀಚಿಗೆ ರಸ್ತೆ ಅಪಘಾತದಲ್ಲಿ ಅಂಗ ವೈಫಲ್ಯ ಸಮಸ್ಯೆ ಎದುರಿಸುತ್ತಿರುವ ಅಬ್ದುಲ್ ರೆಹಮಾನ್ ಅವರಿಗೆ ದ್ವಿಚಕ್ರ ವಾಹನಕ್ಕೆ ನೆರವಾಗುವ ಚಕ್ರಗಳನ್ನು ಅಳವಡಿಸಿ ವೀಲ್ ಬೇಸ್ ಸ್ಕೂಟರನ್ನು ಸಂಘಟನೆಯ ಅಧ್ಯಕ್ಷ ಟಿ. ಮೋಹಿದ್ದಿನ್ ವಿತರಿಸಿದರು.
ಈ ಸಂದರ್ಭದಲ್ಲಿ ಆಲ್ ಹುದಾ ಜುಮ್ಮಾ ಮಸೀದಿ ಖತೀಬ್ ಮುಹಮ್ಮದ್ ಮುಸ್ತಫಾ ಅಝ್ಅರಿ ಮಾತನಾಡಿ, ಎ.ಎಂ.ಎ ಓಲ್ಡ್ ಸ್ಟೂಡೆಂಟ್ ಅಸೋಸಿಯೇಷನ್ ಅನೇಕ ಮಾನವೀಯತೆ ಸೇವೆಗಳನ್ನು ನಿರಂತರವಾಗಿ ನಡೆಸಿಕೊಂಡು ಬರುತ್ತಿದ್ದು, ಜಾತಿ ಧರ್ಮಗಳನ್ನು ಮೀರಿ ಮಾನವೀಯ ನೆಲೆಗಟ್ಟಿನಲ್ಲಿ ಇಂದಿಗೂ ಪ್ರಚಾರ ಬಯಸದೆ ಸೇವೆ ನೀಡುತ್ತಿರುವುದು ನಿಜಕ್ಕೂ ಶ್ಲಾಘನೀಯವಾಗಿದೆ ಎಂದರು.
ಸಂಘಟನೆಯ ಉಪಾಧ್ಯಕ್ಷ ಅಬ್ದುಲ್ ರಿಯಾಝ್, ಕೋಶಾಧಿಕಾರಿ ಮಹಮ್ಮದ್ ಕಬೀರ್, ಕಾರ್ಯದರ್ಶಿ ಅಹಮದ್ ಕಬೀರ್,ಉಪ ಕಾರ್ಯದರ್ಶಿ ಅಬ್ಬುಬಕ್ಕರ್ ಸಿದ್ದಿಕ್(ಟೀವಿಸ್) ಗ್ರೀನ್ ಸ್ಪೋರ್ಟ್ಸ್ ಕ್ಲಬ್ ಅಧ್ಯಕ್ಷ ಮೊಹಮ್ಮದ್ ಇಸ್ಮಾಯಿಲ್, ಅಬ್ದುಲ್ ರೆಹಮಾನ್, ಮೊಹಮ್ಮದ್ ಇಕ್ಬಾಲ್, ಅಬ್ದುಲ್ ಸತ್ತಾರ್, ನೌಫಾಲ್,
ಮಹಮದ್ ಶಫಿ ಮೊದಲಾದವರು ಉಪಸ್ಥಿತರಿದ್ದರು.