ಡೈಲಿ ವಾರ್ತೆ: 04/DEC/2023
ಬಂಟ್ವಾಳ: ನೂತನ ಡಿವೈಎಸ್ಪಿಗೆ ನಂದಾವರ ನಿಗಮ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಅಭಿನಂದನೆ
ಬಂಟ್ವಾಳ : ನೂತನವಾಗಿ ಬಂಟ್ವಾಳ ಡಿವೈಎಸ್ಪಿ ಯಾಗಿ ಅಧಿಕಾರ ಸ್ವೀಕರಿಸಿದ ವಿಜಯ್ ಪ್ರಸಾದ್ ಅವರನ್ನು ನಂದಾವರ ನಿಗಮ ಚಾರಿಟೇಬಲ್ ಟ್ರಸ್ಟ್ ಇದರ ಪದಾಧಿಕಾರಿಗಳು
ಭೇಟಿಯಾಗಿ ಅಭಿನಂದನೆ ಸಲ್ಲಿಸಿದರು.
ನಂದಾವರ ನಿಗಮ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಈಗಾಗಲೇ ಡ್ರಗ್ಸ್ ಮುಕ್ತ ಸಮಾಜದ ನಿರ್ಮಾಣಕ್ಕೆ ಪಣತೊಟ್ಟಿದ್ದು, ಈ ಬಗ್ಗೆ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಅಭಿಯಾನ, ಹಾಗೂ ಇನ್ನಿತರ ಕಾರ್ಯಕ್ರಮಗಳು ಹಮ್ಮಿಕೊಳ್ಳಲಾಗಿದೆ. ಪೊಲೀಸ್ ಇಲಾಖೆಯ ಸಂಪೂರ್ಣ ಸಹಕಾರ ನೀಡಬೇಕು ಎಂದು ನಿಗಮದ ಅಧ್ಯಕ್ಷ
ಇದ್ದೀನಬ್ಬ ನಂದಾವರ ಮನವಿ ಮಾಡಿದರು.
ಈ ಸಂದರ್ಭ ಡಿವೈಎಸ್ಪಿ ವಿಜಯ್ ಪ್ರಸಾದ್ ಅವರು ಡ್ರಗ್ಸ್ ಮುಕ್ತ ಅಭಿಯಾನಕ್ಕೆ ಎಲ್ಲಾ ರೀತಿಯ ಸಹಕಾರವನ್ನು ನೀಡುವುದಾಗಿ ಭರವಸೆ ನೀಡಿದರು.
ಈ ಸಂದರ್ಭ ನಿಗಮ ಚಾರಿಟೇಬಲ್ ಟ್ರಸ್ಟ್ ನ
ಉಪಾಧ್ಯಕ್ಷ ದಾವುದ್ ಖಾನ್,
ಡೈರೆಕ್ಟರ್ ಇಕ್ಬಾಲ್ ಪವರ್,
ಕೋಶಾಧಿಕಾರಿ ಅಝೀಝ್ ನಂದಾವರ, ಸದಸ್ಯರುಗಳಾದ ಆರಿಫ್ ನಂದಾವರ, ಶರೀಫ್ ಮಲ್ಪೆ, ಮುಸ್ತಫ ಮುಕ್ತಾರ್ ಉಪಸ್ಥಿತರಿದ್ದರು.