ಡೈಲಿ ವಾರ್ತೆ: 12/DEC/2023
ಗಂಗೊಳ್ಳಿ ತೌಹೀದ್‌ ಶಿಕ್ಷಣ ಸಂಸ್ಥೆಯ ವಾರ್ಷಿಕ ಕ್ರೀಡೋತ್ಸವ
ಗಂಗೊಳ್ಳಿ: ತೌಹೀದ್‌ ಆಂಗ್ಲ ಮಾಧ್ಯಮ ಶಾಲೆ, ತೌಹೀದ್‌ ಹೆಣ್ಮಕ್ಕಳ ಪದವಿಪೂರ್ವ ಕಾಲೇಜು, ತೌಹೀದ್‌ ಹೆಣ್ಣು ಮಕ್ಕಳ ವಾಣಿಜ್ಯ ಪದವಿ ಕಾಲೇಜು, ಗಂಗೊಳ್ಳಿ ಇವರ ಸಹಯೋಗದೊಂದಿಗೆ ದಿನಾಂಕ 12-12-2023ರಂದು ತೌಹೀದ್‌ ಶಿಕ್ಷಣ ಸಂಸ್ಥೆ ಗಂಗೊಳ್ಳಿಯ ವೈಭವಯುತ ಕ್ರೀಡಾಂಗಣದಲ್ಲಿ ವಾರ್ಷಿಕ ಕ್ರೀಡೋತ್ಸವ ಅದ್ದೂರಿಯಾಗಿ ಜರುಗಿತು.
ವಿದ್ಯಾರ್ಥಿಗಳ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಕ್ರೀಡಾ ಅವಶ್ಯಕವಾದುದು ಎಂದು ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಶ್ರೀಯುತ ಅಬ್ದುಲ್‌ ರವೂಫ್‌, ಮುಖ್ಯೋಪಾಧ್ಯಾಯರು ಸರಕಾರಿ ಪ್ರೌಢ ಶಾಲೆ, ಹೆಸ್ಕತ್ತೂರು ಇವರು ಮಾತನಾಡಿದರು. ಇನ್ನೋರ್ವ ಅತಿಥಿ ಶ್ರೀಯುತ ಶ್ರೀನಿವಾಸ ಖಾರ್ವಿ, ಅಧ್ಯಕ್ಷರು ಗ್ರಾಮಪಂಚಾಯತ್‌ ಗಂಗೊಳ್ಳಿ ಇವರು ಪ್ರಾಸ್ತಾವಿಕ ಮಾತುಗಳ ಮೂಲಕ ಕ್ರೀಡೆಯ ಮಹತ್ವದ ಬಗ್ಗೆ ತಿಳಿಸಿದರು. ರಾಜ್ಯ ನೆಟ್‌ಬಾಲ್‌ ಚಾಂಪಿಯನ್‌ ಶ್ರೀಯುತ ಯುವರಾಜ ಖಾರ್ವಿ ರವರು ವಿದ್ಯಾರ್ಥಿಗಳಿಗೆ ಶುಭ ಹಾರೈಸಿದರು. ಎನ್‌ಆರ್‌ಐ ಶ್ರೀಯುತ ಅಬ್ದುಲ್‌ ಖುದ್ದೂಸ್‌ ಎಮ್‌.ಎಚ್‌. ಮತ್ತು ಶ್ರೀಯುತ ಅಬ್ದುಲ್‌ ಶುಕುರ್‌ ಜಿ.ಡಿ. ವ್ಯವಸ್ಥಾಪಕರು, ತೌಹೀದ್‌ ಆಂಗ್ಲ ಮಾಧ್ಯಮ ಶಾಲೆ, ಶಿರೂರು ಮತ್ತು ಶ್ರೀಯುತ ಮೊಹ್ಮದ್‌ ತಾಹೀರ್‌ ಹಸನ್‌, ವ್ಯವಸ್ಥಾಪಕರು, ತೌಹೀದ್‌ ಎಜ್ಯುಕೇಶನಲ್‌ ಟ್ರಸ್ಟ್‌ (ರಿ.). ಗಂಗೊಳ್ಳಿ ಇವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ತೌಹೀದ್‌ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಶ್ರಿಯುತ ಇಬ್ರಾಹೀಂ ಚೌಗುಲೆಯವರು ಕಾರ್ಯಕ್ರಮ ಅಧ್ಯಕ್ಷತೆ ವಹಿಸಿದರು. ತೌಹೀದ್‌ ಪದವಿ ಕಾಲೇಜಿನ ಪ್ರಾಂಶುಪಾಲರು ಶ್ರೀಮತಿ ಆಶಾ ನಾಯ್ಕ್‌, ತೌಹೀದ್‌ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲರು ಕುಮಾರಿ ಯಶೋದಾ ತೌಹೀದ್‌ ಆಂಗ್ಲ ಮಾಧ್ಯಮ ಶಾಲೆ, ಗಂಗೊಳ್ಳಿಯ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಸಭಾ ಭಾನುರವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ಅಬ್ದುರ್‌ ರೆಹಮಾನ್‌ ಮತ್ತು ಅಪಾಫ್‌ ಕಿರಾತ ಗೈಯ್ದರೆ ಉಪನ್ಯಾಸಕಿ ಬಿಂದುರವರು ಅತಿಥಿಗಳ ಕಿರುಪರಿಚಯ ಮಾಡಿದರು. ಆಕರ್ಷಕ ಪಥಸಂಚಲನ, ಅಧ್ಬುತ ಕವಾಯತು, ಮತ್ತು ದೈಹಿಕ ಕಸರತ್ತುಗಳ ಪ್ರದರ್ಶನ ಕ್ರೀಡೋತ್ಸವಕ್ಕೆ ಮೆರಗು ತಂದಿತು. ಶಿಕ್ಷಕಿಯರಾದ ಸಫಾ ಮತ್ತು ಸಾದಿಯಾರವರು ಸ್ವಾಗತಿಸಿದರು. ವಿದ್ಯಾರ್ಥಿ ಮುನಾಝ ಧನ್ಯವಾದ ಗೈಯ್ದರು