ಡೈಲಿ ವಾರ್ತೆ: 29/NOV/2025
ಜ.22, 23 ಹಾಗೂ 24 ರಂದು SSF ಹಾಗೂ RDC ಕೋಟ ಪಡುಕರೆ ಇದರ ಆಶ್ರಯದಲ್ಲಿ ರಿಫಾಯಿ ದಫ್ ರಾತಿಬಿನ 29ನೇ ವಾರ್ಷಿಕೋತ್ಸವ
ಕೋಟ: ಸುನ್ನೀ ಸ್ಟೂಡೆಂಟ್ಸ್ ಫೆಡರೇಷನ್ (SSF) ಹಾಗೂ ರಿಫಾಯಿಯ್ಯ ದಫ್ ಕಮಿಟಿ (RDC) ಕೋಟ ಪಡುಕರೆ ಇದರ ಆಶ್ರಯದಲ್ಲಿ ರಿಫಾಯಿ ದಫ್ ರಾತಿಬಿನ 29ನೇ ವಾರ್ಷಿಕೋತ್ಸವದ ಪ್ರಯುಕ್ತ 2026 ಜನವರಿ 22, 23, 24 ಗುರು, ಶುಕ್ರ, ಶನಿವಾರದಂದು ತ್ರಿದಿನ ಧಾರ್ಮಿಕ ಕಾರ್ಯಕ್ರಮವು ಉಡುಪಿ ಜಿಲ್ಲೆಯ ಬ್ರಹ್ಮಾವರ ತಾಲೂಕಿನ ಕೋಟ-ಪಡುಕರೆ ಹಿದಾಯತುಲ್ ಇಸ್ಲಾಂ ಅರಬಿಕ್ ಮದರಸ ವಠಾರದಲ್ಲಿ ನಡೆಯಲಿದೆ.
22/01/2026 ರಂದು ಗುರುವಾರ ಇಶಾ ನಮಾಝಿನ ಬಳಿಕ ಅಸ್ಸಯ್ಯಿದ್ ತ್ವಾಹ ತಂಙಳ್ ಹಾಗೂ ಸಂಗಡಿಗರಿಂದ “ಗ್ರ್ಯಾಂಡ್ ಬುರ್ದಾ ಮಜ್ಲಿಸ್ ” ಕಾರ್ಯಕ್ರಮ ನಡೆಯಲಿದೆ.
23/01/2026 ರಂದು ಶುಕ್ರವಾರ ಮಗ್ರಿಬ್ ನಮಾಝಿನ ಬಳಿಕ ಅಸ್ಸಯ್ಯಿದ್ ಜಅಫರ್ ಅಸ್ಸಖಾಫ್ ತಂಙಳ್ ಕೋಟೇಶ್ವರ ದುಆ ನೇತ್ರತ್ವ ವಹಿಸಲಿದ್ದಾರೆ.ಬಹು| ಜೆ.ಎಂ.ಎ. ಸಿದ್ದೀಕ್ ಸಖಾಫಿ ಖತೀಬರು ಇವರ ನೇತೃತ್ವದಲ್ಲಿ “ಮಹ್ಳರತುಲ್ ಬದ್ರಿಯಾ ಮಜ್ಲಿಸ್ ” ಕಾರ್ಯಕ್ರಮ ಹಾಗೂ ಬಹು | ಅಬ್ದುಲ್ ಜಬ್ಬಾರ್ ಸಖಾಫಿ ಪಾತೂರ್ ಇವರ “ಧಾರ್ಮಿಕ ಪ್ರವಚನ” ನಡೆಯಲಿದೆ.
24/01/2026ರಂದು ಶನಿವಾರ ಅಸರ್ ನಮಾಝಿನ ಬಳಿಕ ಎಂ.ಮುಹಮ್ಮದ್ ದಫ್ ಉಸ್ತಾದ್ ಇರಾ ಮೂಲೆ ಇವರ ನೇತೃತ್ವದಲ್ಲಿ “ಬೃಹತ್ ರಿಫಾಯಿಯ್ಯ ದಫ್ ರಾತಿಬ್” ಹಾಗೂ ಇಶಾ ನಮಾಝಿನ ಬಳಿಕ ಖಾಸಿಂ ಕಾಮಿಲ್ ಸಖಾಫಿ & ಅಝರುದ್ದೀನ್ ರಬ್ಬಾನಿ ಕಲ್ಲೂರ್ & ಫವಾಝ್ ಪಾಲಕ್ಕಡ್ ಹಾಗೂ ಸಂಗಡಿಗರಿಂದ “ಗ್ರ್ಯಾಂಡ್ ಇಶಲ್ ನೈಟ್”ನಡೆಯಲಿದೆ ಎಂದು SSF & RDC ಆಡಳಿತ ಕಮಿಟಿ ಪ್ರಕಟಿಸಿದ್ದಾರೆ.