ಡೈಲಿ ವಾರ್ತೆ:11 ಏಪ್ರಿಲ್ 2023
ಉಪ್ಪುಂದ: ಎರಡು ಬೈಕ್‌ಗಳ ನಡುವೆ ಭೀಕರ ಅಪಘಾತ: ಓರ್ವ ಮೃತ್ಯು, ಇನ್ನೊರ್ವ ಗಂಭೀರ
ಕುಂದಾಪುರ :ಎರಡು ಬೈಕ್‌ಗಳ ನಡುವೆ ಅಪಘಾತದಿಂದ ಓರ್ವ ಮೃತ ಪಟ್ಟಿದ್ದು ಇನ್ನೊರ್ವ ಬೈಕ್ ಸವಾರ ಗಂಭೀರ ಗಾಯಗೊಂಡ ಘಟನೆ ಉಪ್ಪುಂದದ ತಾರಾಪತಿ ಅಂಚೆ ಕಚೇರಿ ಸಮೀಪ ನಡೆದಿದೆ.
ಅಪಘಾತದಲ್ಲಿ ಮೃತಪಟ್ಟ ಬೈಕ್ ಸವಾರನನ್ನು ಮಹೇಶ್ ಖಾರ್ವಿ(40) ಎಂದು ಗುರುತಿಸಲಾಗಿದ್ದು. ಗಾಯಗೊಂಡಾತನನ್ನು ಸ್ಥಳೀಯ ನಿವಾಸಿ ಆನಂದ ಎಂದು ತಿಳಿದು ಬಂದಿದೆ.
ಆನಂದ ಎಂಬಾತ ಬೈಕ್‌ನಲ್ಲಿ ಅಳಿವೆಕೋಡಿ ಕಡೆಯಿಂದ ಶಾಲೆಬಾಗಿಲು ಕಡೆಗೆ ಅತೀ ವೇಗದಲ್ಲಿ ಬರುತ್ತಿದ್ದ ವೇಳೆ, ಓಲಗಮಂಟಪ ಕಡೆಯಿಂದ ತಾರಾಪತಿ ಕಡೆಗೆ ಪ್ರಯಾಣಿಸುತ್ತಿದ್ದ ಮಹೇಶ್ ಖಾರ್ವಿ ಬೈಕ್‌ಗೆ ಡಿಕ್ಕಿ ಹೊಡೆದಿದೆ. ಅಪಘಾತದ ತೀವ್ರತೆಗೆ ಮಹೇಶ ಖಾರ್ವಿ ತಲೆಗೆ ಗಂಭೀರ ಗಾಯವಾಗಿದ್ದು, ಕೆಎಂಸಿಗೆ ಕೊಂಡೊಯ್ದಿದ್ದು ಬಳಿಕ ಮಂಗಳೂರಿನ ಎ.ಜೆ. ಆಸ್ಪತ್ರೆಗೆ ಸಾಗಿಸುತ್ತಿದ್ದಾಗ ದಾರಿ ಮಧ್ಯೆ ಸಾವನ್ನಪ್ಪಿದ್ದಾರೆ. ಆನಂದ ಅವರನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ಬೈಂದೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.