ಡೈಲಿ ವಾರ್ತೆ:20 ಏಪ್ರಿಲ್ 2023
ಕೋಟ: ವಲಸೆ ಬಂದ ಜಿಂಕೆ ಮರಿ ರಸ್ತೆ ಅಪಘಾತದಲ್ಲಿ ಸಾವು!
ಕೋಟ: ಜಿಂಕೆವೊಂದು ರಾಷ್ಟ್ರೀಯ ಹೆದ್ದಾರಿ ದಾಟುವ ಸಂದರ್ಭ ಲಾರಿ ಢಿಕ್ಕಿಯಾಗಿ ಮೃತಪಟ್ಟ ಘಟನೆ ಕೋಟ ವಿವೇಕ ಹೈಸ್ಕೂಲ್ ಸಮೀಪ ಗುರುವಾರ ಸಂಭವಿಸಿದೆ.
ನಾಲ್ಕು ಜಿಂಕೆಗಳು ಏಕಾಎಕಿ ಪಾರಂಪಳ್ಳಿ ಕಡೆಯಿಂದ-ಕೋಟ ಹೈಸ್ಕೂಲ್ ಕಡೆ ಓಡಿ ಬಂದು ರಾಷ್ಟ್ರೀಯ ಹೆದ್ದಾರಿಗೆ ನುಗ್ಗಿದ್ದು ಈ ಸಂದರ್ಭ ಲಾರಿ ಅಪಘಾತದಿಂದ ಸುಮಾರು ಎರಡು ವರ್ಷದ ಗಂಡು ಜಿಂಕೆ ಮೃತಪಟ್ಟಿದೆ.
ಈ ಪ್ರದೇಶದಲ್ಲಿ ಜಿಂಕೆಗಳು ಕಾಣಸಿಗುವುದು ತೀರಾ ಅಪರೂಪವಾಗಿದ್ದು ಘಟನೆ ಬಗ್ಗೆ ಸ್ಥಳೀಯರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಅಪಘಾತಕ್ಕೆ ಕಾರಣವಾದ ಲಾರಿ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದಾರೆ. ಅರಣ್ಯ ಇಲಾಖೆಯ ಬ್ರಹ್ಮಾವರ ಉಪ ವಲಯ ಅರಣ್ಯಾಧಿಕಾರಿ ಹರೀಶ್ ಹಾಗೂ ಸಹಾಯಕ ಅರಣ್ಯಾಧಿಕಾರಿ ಅಕ್ಷಿತಾ ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿ ಮೃತ ಜಿಂಕೆಯ ಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.