ಡೈಲಿ ವಾರ್ತೆ:26 ಮೇ 2023
ಕೋಟ: ಕ್ಷುಲ್ಲಕ ವಿಚಾರಕ್ಕೆ ಜಗಳ – ಹಲ್ಲೆ ನಡೆಸಿ ಜೀವ ಬೆದರಿಕೆ: ದೂರು ದಾಖಲು
ಬ್ರಹ್ಮಾವರ : ತಾಲ್ಲೂಕಿನ ಚಿತ್ರಪಾಡಿ ಗ್ರಾಮದ ಸಾಲಿಗ್ರಾಮ ಜಂಕ್ಷನ್ ಬಳಿ ಕಾರ್ಕಡ ಗ್ರಾಮದ ಬೈಲ್ಮನೆ ಕುಂಜಿ ಗುಡಿಯ ಬಾಬು ನಾಯರಿ ಮತ್ತು ಗಣಪಯ್ಯ ನಾಯರಿ ಎನ್ನುವವರಿಗೆ ಹಲ್ಲೆ ಮಾಡಿ ಜೀವ ಬೆದರಿಕೆ ಒಡ್ಡಿದ ಬಗ್ಗೆ ಕೋಟ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಆರೋಪಿತರಾದ ವಿನೋದ ಮತ್ತು ಆಶಾ ಸಂಬಂದಿಕರಾಗಿದ್ದು, ದೂರದಾರರ ಮನೆಗೆ ಪಿತ್ರಾರ್ಜಿತ ಆಸ್ತಿಯಾಗಿರುವ ಜಾಗದಲ್ಲಿ
ವಾಸಮಾಡಿಕೊಂಡಿದ್ದು, ಬಾವಿಯ ನೀರು ಹೋಗುವ ಪೈಪ್ ನ ವಿಚಾರದಲ್ಲಿ ಗಲಾಟೆ ಮಾಡಿ, ಹಲ್ಲೆ ನಡೆಸಿ ಜೀವ ಬೆದರಿಕೆ ಒಡ್ಡಿರುತ್ತಾರೆ ಎಂದು ದೂರಿದ್ದಾರೆ.