ಡೈಲಿ ವಾರ್ತೆ: 10 ಜುಲೈ 2023
ಫರಂಗಿಪೇಟೆ : ರೆಸ್ಕ್ಯೂ ಚಾರಿಟೇಬಲ್ ಟ್ರಸ್ಟ್ ನ 11 ನೇ ವಾರ್ಷಿಕೋತ್ಸವ – ವಿಧಾನ ಸಭೆಯ ನೂತನ ಸಭಾಧ್ಯಕ್ಷ ಯು.ಟಿ.ಖಾದರ್ ಅವರಿಗೆ ಸನ್ಮಾನ
ಬಂಟ್ವಾಳ : ಪ್ರತೀ ಮಕ್ಕಳು ಕೂಡ ಈ ದೇಶದ ಅತ್ಯಮೂಲ್ಯ ಸಂಪತ್ತಾಗಿದ್ದು ಪೋಷಕರು ಮಕ್ಕಳು ಪ್ರಕಾಶಿಸುವ ರೀತಿಯಲ್ಲಿ ಮಾರ್ಗದರ್ಶನ ನೀಡಿ ಬೆಳೆಸುವ ಕಾರ್ಯ ಮಾಡಬೇಕು. ಯುವ ಜನಾಂಗ ಬಲಿಷ್ಠವಾದಾಗಲೇ ಈ ದೇಶ ಬಲಿಷ್ಠವಾಗುವುದಕ್ಕೆ ಸಾಧ್ಯ ಎಂದು ವಿಧಾನಸಭೆಯ ಸಭಾಧ್ಯಕ್ಷ ಯು.ಟಿ.ಖಾದರ್ ಹೇಳಿದರು.
ಅವರು ಫರಂಗಿಪೇಟೆಯ ರೆಸ್ಕ್ಯೂ ಚಾರಿಟೇಬಲ್ ಟ್ರಸ್ಟ್ ಇದರ 11 ನೇ ವಾರ್ಷಿಕೋತ್ಸವದ ಅಂಗವಾಗಿ ಫರಂಗಿಪೇಟೆ ಅರ್ಕುಳ ಯಶಸ್ವಿ ಹಾಲ್ ನ ಮರ್ಹೂಂ ಹಾಜಿ ಮುಸ್ತಾಫ ಕೆಂಪಿ ವೇದಿಕೆಯಲ್ಲಿ ನಡೆದ ವಿಧಾನ ಸಭೆಯ ನೂತನ ಸಭಾಧ್ಯಕ್ಷ ಯು.ಟಿ.ಖಾದರ್ ಅವರಿಗೆ ಸನ್ಮಾನ ಕಾರ್ಯಕ್ರಮ, ಬೃಹತ್ ರಕ್ತದಾನ ಶಿಬಿರ, ಆರೋಗ್ಯ ಕಾರ್ಡ್ ವಿತರಣೆ ಹಾಗೂ ವಿದ್ಯಾರ್ಥಿಗಳಿಗೆ ಸ್ಕಾಲರ್ಶಿಪ್ ವಿತರಣಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.
ಮಾಜಿ ಸಚಿವ ಬಿ.ರಮಾನಾಥ ರೈ ಅರೋಗ್ಯ ಕಾರ್ಡ್ ಬಿಡುಗಡೆ ಮಾಡಿದರು. ಬಳಿಕ ಮಾತನಾಡಿದ ಅವರು ರಕ್ತದಾನ ಶ್ರೇಷ್ಠವಾದ ದಾನವಾಗಿದ್ದು,ಮನುಷ್ಯನ ನಡುವೆ ಪ್ರೀತಿ ವಿಶ್ವಾಸಕ್ಕೆ ಉತ್ತಮ ಕೊಂಡಿಯಾಗಿದೆ ಎಂದ ಅವರು
ಸರ್ವ ಧರ್ಮದವರು ಸಮನ್ವಯತೆಯಲ್ಲಿ ಬದುಕುವುದು ಹೊರತು ಜಾತಿ, ಭಾಷೆಯ ಹೆಸರಿನಲ್ಲಿ ವಿಭಜನೆಯಾಗಬಾರದು ಎಂದು ಅವರು ಹೇಳಿದರು.
ರೆಸ್ಕ್ಯೂ ಚಾರಿಟೇಬಲ್ ನ ಅಧ್ಯಕ್ಷ ಅಬ್ದುಲ್ ಜಬ್ಬಾರ್ ಮಾರಿಪಳ್ಳ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.
ಕೆ.ಪಿ.ಸಿ.ಸಿ.ಪ್ರಧಾನ ಕಾರ್ಯದರ್ಶಿಗಳಾದ ಇನಾಯತ್ ಆಲಿ ಮೂಲ್ಕಿ, ಮಿಥುನ್‌ ರೈ, ಮಾಜಿ ಜಿ.ಪಂ.ಸದಸ್ಯರಾದ ಚಂದ್ರಪ್ರಕಾಶ್ ಶೆಟ್ಟಿ ತುಂಬೆ. ಉಮ್ಮರ್ ಫಾರೂಕ್ ಪರಂಗಿಪೇಟೆ, ಕೆ.ಕೆ.ಸಾಹುಲ್ ಹಮೀದ್, ಕಣಚ್ಚೂರು ಮೆಡಿಕಲ್ ಕಾಲೇಜಿನ ಮ್ಯಾನೇಜಿಂಗ್ ಡೈರೆಕ್ಟರ್ ಅಬ್ದುಲ್ ರಹಿಮಾನ್ ಕಣಚೂರು, ಉದ್ಯಮಿಗಳಾದ ಝಕಾರಿಯಾ ಜೊಕಟ್ಟೆ, ಹಾಜಿ ಶರೀಫ್ ಬೋಳಾರ್, ಮಹಮ್ಮದ್ ಯುನೂಸ್ ಹಸನ್ , ಐ.ಅಶ್ರಫ್ ಮೈಸೂರು, ಮಹಮ್ಮದ್ ಬಶೀರ್, ಅಬ್ದುಲ್ ಸಲಾಂ, ಗಿರಿಧರ್ ಶೆಟ್ಟಿ, ಅಸೀರ್ ಮೇಲ್ಮನೆ ಫರಂಗಿಪೇಟೆ, ಬಂಟ್ವಾಳ ಡಿ.ವೈ.ಎಸ್.ಪಿ. ಪ್ರತಾಪ್ ಸಿಂಗ್ ಥೋರಾಟ್, ಬಂಟ್ವಾಳ ಪುರಸಭಾ ಅಧ್ಯಕ್ಷ ಮಹಮ್ಮದ್ ಶರೀಫ್, ಪುದು ಗ್ರಾ.ಪಂ. ಅಧ್ಯಕ್ಷೆ ರಶೀದಾ ಭಾನು, ಮಾಜಿ ಅಧ್ಯಕ್ಷ ರಮ್ಲಾನ್ ಮಾರಿಪಳ್ಳ, ವಾಲಿಬಾಲ್ ಅಸೋಸಿಯೇಷನ್ ಗೌರವಾಧ್ಯಕ್ಷ ಶ್ರೀಕಾಂತ್ ಶೆಟ್ಟಿ, ಪ್ರಮುಖರಾದ ಯೂಸುಫ್ ಅಲಂಕಾರು, ಆಸೀಫ್ ಡೀಲ್ಸ್, ತಾಹೀರ್ ಸಾಲ್ಮರ, ಹನೀಫ್ ಹಾಜಿ ಗೋಳ್ತಮಜಲು, ಇಸ್ಮಾಯಿಲ್ ಕೆ.ಇ.ಎಲ್, ಯು.ಪಿ ಇಬ್ರಾಹಿಂ, ಇಕ್ಬಾಲ್ ಸುಜೀರ್, ಟಿ.ಕೆ ಬಶೀರ್ ಫರಂಗಿಪೇಟೆ, ಅಸೀಪ್ ಇಕ್ಬಾಲ್, ಝಿಯಾವುದ್ದೀನ್ ಮಂಗಳೂರು, ಸಿ.ಎಮ್, ಫಾರೂಕ್, ಚಾರಿಟೇಬಲ್ ಟ್ರಸ್ಟ್ ನ ಪ್ರಮುಖರಾದ ಎಸ್.ಎಂ ಭಾಷಾ ಸಲೀಂ ಅಲ್ತಾಫ್ ಡೈಮಂಡ್, ಶಬೀರ್ ಕೆಂಪಿ, ಅಬ್ದುಲ್ ಲತೀಫ್ ಅರಫಾ, ಮುಸ್ತಫಾ ಮೇಲ್ಮನೆ ಫರಂಗಿಪೇಟೆ, ಸಮಾದ್ ಅಸೀಫ್ ಮೇಲ್ಮನೆ ಫರಂಗಿಪೇಟೆ, ಸಾಹುಲ್ ಹಮೀದ್, ಜಾಫರ್ ಟಿ.ಎಚ್, ಗಫೂರ್ ಹಸನ್, ಖಾದರ್ ಅರಫಾ, ರಝಾಕ್ ಹತ್ತನೇ ಮೈಲ್ ಕಲ್ಲು, ಹಕೀಂ ಮಾರಿಫಳ್ಳ, ರಫೀಕ್ ಕೆ.ಇ.ಎಲ್, ಮಲೀಕ್ ಕುಂಪನಮಜಲು, ರಿಯಾಝ್ ಕುಂಪನಮಜಲ್, ಅಶ್ರಫ್ ಮಲ್ಲಿ, ಇಮ್ರಾನ್ ಮಾರಿಪಳ್ಳ, ಮತ್ತಿತರರು ಉಪಸ್ಥಿತರಿದ್ದರು.
ಇದೇ ವೇಳೆ ಮಂಗಳೂರು ಹಿದಾಯ ಫೌಂಡೇಶನ್ ಗೆ ನೆನಪಿನ ಕಾಣಿಕೆ ನೀಡಿ ಗೌರವಿಸಲಾಯಿತು.
ದಾಖಲೆಯ ರಕ್ತದಾನ
ಜಬ್ಬಾರ್ ಮಾರಿಪಳ್ಳ ಇವರ ಸಾರಥ್ಯದಲ್ಲಿ ನಡೆದ ಬೃಹತ್ ರಕ್ತದಾನ ಶಿಬಿರದಲ್ಲಿ 879 ಮಂದಿ ರಕ್ತದಾನ ಮಾಡುವುದರ ಮೂಲಕ ದಾಖಲೆ ನಿರ್ಮಿಸಿದ್ದಾರೆ .
ಟ್ರಸ್ಟ್ ನ ಸಲಹಾ ಸಮಿತಿ ಸದಸ್ಯ ಹನೀಫ್ ಖಾನ್ ಕೋಡಾಜೆ ಪ್ರಸ್ತಾವಿಕವಾಗಿ ಮಾತನಾಡಿದರು. ಪ್ರಧಾನ ಕಾರ್ಯದರ್ಶಿ ಹಾಶೀರ್ ಪೇರಿಮಾರ್ ಸ್ವಾಗತಿಸಿ, ಸಲಾಂ ಸುಜೀರ್ ವಂದಿಸಿದರು. ಸಾಹಿಲ್ ಝಹೀರ್ ಹಾಗೂ
ನೌಫಲ್ ಕುಡ್ತಮುಗೇರ್ ಕಾರ್ಯಕ್ರಮ ನಿರೂಪಿಸಿದರು.