ಡೈಲಿ ವಾರ್ತೆ:18 ಜುಲೈ 2023
ಕುಂದಾಪುರ: ಲಯನ್ಸ್ ಕ್ಲಬ್ ಕುಂದಾಪುರ ಕ್ರೌನ್ ಇದರ ನೂತನ ಸಾಲಿನ ಪದಾಧಿಕಾರಿಗಳ ಪದಪ್ರದಾನ ಸಮಾರಂಭ
ಲಯನ್ಸ್ ಕ್ಲಬ್ ಕುಂದಾಪುರ ಕ್ರೌನ್ ಇದರ ನೂತನ ಸಾಲಿನ ಪದಾಧಿಕಾರಿಗಳ ಪದಪ್ರದಾನ ಸಮಾರಂಭವು ಕುಂದಾಪುರದ ಸೈಂಟ್ ಮೇರೀಸ್ ಅಡಿಟೋರಿಯಂನಲ್ಲಿ ನಡೆಯಿತು. ಕಾರ್ಯಕ್ರಮದ ಮುಖ್ಯ ಅತಿಥಿ ಹಾಗೂ ಪದಪ್ರದಾನ ಅಧಿಕಾರಿಯಾದ ಲ.PMJF ಸುರೇಶ್ ಪ್ರಭು Pdg ಇವರು ನೂತನ ಸಮಿತಿಗೆ ಪದಪ್ರದಾನ ಮಾಡಿದರು. ಹಾಗೂ ಲಯನ್ಸ್ ಕ್ಲಬ್ ನ ಕಾರ್ಯವ್ಯಾಪ್ತಿಯ ಬಗ್ಗೆ ತಿಳಿಸಿ ಮಾತನಾಡಿದರು.
ನೂತನ ಅಧ್ಯಕ್ಷರಾಗಿ ಲ.ಪ್ರವೀಣಕುಮಾರ್ ಶೆಟ್ಟಿ, ಕಾರ್ಯದರ್ಶಿಯಾಗಿ ಲ.ಜಗದೀಶ್, ಖಜಾಂಚಿಯಾಗಿ ಲ.ಸುನೀಲ್ ಕುಮಾರ್ ಜವಾಬ್ದಾರಿಗಳನ್ನು ಸ್ವೀಕರಿಸಿದರು. ಸಮಾರಂಭದಲ್ಲಿ ಸಂಪುಟ ಕಾರ್ಯದರ್ಶಿ ಲ.ರವಿರಾಜ್, ಪ್ರಾಂತೀಯ ಅಧ್ಯಕ್ಷರಾದ ಲ.ಏಕನಾಥ್ ಬೋಳಾರ್, ವಲಯಾಧ್ಯಕ್ಷ ಲ.ನವೀನ್ ಶೆಟ್ಟಿ ಉಪಸ್ಥಿತರಿದ್ದರು. ನಿಕಟಪೂರ್ವ ಅಧ್ಯಕ್ಷರಾಗಿ ಹೆಚ್ ಪ್ರಭಾಕರ್ ಶೆಟ್ಟಿ ನಿಯೋಜಿಸಲ್ಪಟ್ಟರು. ಕಾರ್ಯಕ್ರಮದಲ್ಲಿ ಲಯನ್ಸ್ ಗಣ್ಯರಾದ ಲ.ರಮಾನಂದ್, ಲ.ಅರುಣ್ ಕುಮಾರ್ ಹೆಗ್ಡೆ, ಲ.ಪ್ರಕಾಶ ಬೆಟ್ಟಿನ್ ಉಪಸ್ಥಿತರಿದ್ದು ಶುಭ ಹಾರೈಸಿದರು. ಲ. ಮಾಲಿನಿ ಸತೀಶ್ ನಿರೂಪಣೆಯಲ್ಲಿ ಸಭೆ ಸುಂದರವಾಗಿ ಮೂಡಿಬಂದು 90 ನಿಮಿಷದಲ್ಲಿ ಮುಕ್ತಾಯ ಕಂಡಿತು.