ಡೈಲಿ ವಾರ್ತೆ: 16/NOV/2023
ವರದಿ: ವಿದ್ಯಾಧರ ಮೊರಬಾ
ಅಂಕೋಲಾದಲ್ಲಿ ತಾಯಿ-ಮಗಳು ನಾಪತ್ತೆ : ಪ್ರಕರಣ ದಾಖಲು
ಅಂಕೋಲಾ : ತಾಯಿ ಹಾಗೂ ಮಗಳು ಮನೆಯಿಂದ ನಾಪತ್ತೆಯಾಗಿರುವ ಕುರಿತು ಇಲ್ಲಿಯ ಪೊಲೀಸ್ ಠಾಣೆಯಲ್ಲಿ ಗುರುವಾರ ಪ್ರಕರಣ ದಾಖಲಾಗಿದೆ.
ಮೂಲತಃ ಹೊನ್ನಾವರ ತಾಲೂಕಿನ ಕೆಳಗಿನಪಾಳ್ಯದ ನಿವಾಸಿಯಾಗಿದ್ದು, ಹಾಲಿ ಅಂಕೋಲಾ ತಾಲೂಕಿನ ಶೆಟಗೇರಿಯ ಬಾಡಿಗೆ ಮನೆಯ ನಿವಾಸಿ ಸಾವಿತ್ರಿ ಈಶ್ವರ ಮೇಸ್ತ (32) ಹಾಗೂ ಮಗಳು ದಿಪೀಕಾ ಈಶ್ವರ ಮೇಸ್ತ (12) ಇವರೇ ನಾಪತ್ತೆಯಾದ ತಾಯಿ-ಮಗಳು.
ನ.8 ರಂದು ಮಧ್ಯಾಹ್ನ 2.30ರ ಸುಮಾರಿಗೆ ಯಾರಿಗೂ ಹೇಳದೆ ಕೇಳದೆ ತನ್ನ ಪತ್ನಿ ಮಗಳನ್ನು ಕರೆದು ಕೊಂಡು ಎಲ್ಲಿಯೋ ಹೋಗಿ ನಾಪತ್ತೆಯಾಗಿದ್ದಾಳೆ ಎಂದು ಇವರನ್ನ ಹುಡುಕಿಕೊಡುವಂತೆ ಪತಿ ಈಶ್ವರ ವಾಮನ ಮೇಸ್ತ ಪೊಲೀಸ ದೂರು ನೀಡಿದ್ದಾನೆ.
ಸಾವಿತ್ರಿ ಮೇಸ್ತ ಕನ್ನಡ ಹಾಗೂ ಕೊಂಕಣ ಭಾಷೆ ಬಲ್ಲವಳಾಗಿದ್ದು, ಬಿಳಿ ಮೈ ಕಟ್ಟು ಹೊಂದಿದ್ದಾಳೆ. ನಾಪತ್ತೆಯಾಗುವ ವೇಳೆಯಲ್ಲಿ ಗುಲಾಬಿ ಬಣ್ಣದ ಚೂಡಿದಾರ ಟಾಪ್, ಗುಲಾಬಿ ಬಣ್ಣದ ವೇಲ್ ಕುತ್ತಿಗೆ ಯಲ್ಲಿ ಕರಿಮಣ ಸರ ಧರಿಸಿದ್ದಾಳೆ ಮತ್ತು ದಿಪೀಕಾ ಮೇಸ್ತ 3 ಪೋಟ್ 6 ಇಂಚ್ ಎತ್ತರವಿದ್ದು, ಕನ್ನಡ ಹಾಗೂ ಕೊಂಕಣ ಭಾಷೆ ಮಾತನಾಡುತ್ತಾಳೆ. ಬಿಳಿ ಮೈ ಬಣ್ಣ ಉದ್ದನೆಯ ಮುಖ, ತೆಳ್ಳನೆಯ ಮೈಕಟ್ಟು, ಬಲಗ ಣ ್ಣನ ಮೇಲೆ ಹಳೆಯ ಗಾಯದ ಗುರುತು ಇದೆ. ನಾಪತ್ತೆಯಾದ ವೇಳೆಯಲ್ಲಿ ನೀಲಿ ಬಣ್ಣದ ಚೂಡಿದಾರ, ಕುತ್ತಿಗೆಯಲ್ಲಿ ಬಿಳಿ ಮಣ ಸರ ಧರಿಸಿದ್ದಳು ಎಂದು ಈಶ್ವರ ವಾಮನ ಮೇಸ್ತ ತನ್ನ ದೂರಿನಲ್ಲಿ ವಿವರಿಸಿ ದ್ದಾರೆ.
ಇವರ ಬಗ್ಗೆ ಎಲ್ಲಾದರೂ ಮಾಹಿತಿ ಕಂಡು ಬಂದಲ್ಲಿ ಅಂಕೋಲಾ ಪೊಲೀಸ್ ಠಾಣೆಯ ಮೊಬೈಲ್ ಸಂಖ್ಯೆ 9480805250 ಅಥವಾ 9480805268 ನಂಬರಿಗೆ ಸಂಪರ್ಕಿಸುವಂತೆ ಪೊಲೀಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.