ಡೈಲಿ ವಾರ್ತೆ: 16/NOV/2023
ವರದಿ: ವಿದ್ಯಾಧರ ಮೊರಬಾ
ಬೆಳಗಾವಿಯಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಅಂಕೋಲಾ ವ್ಯಕ್ತಿ ಸಾವು !
ಅಂಕೋಲಾ : ಟಾಟ್‍ಏಸ್ ವಾಹನದ ತಾಂತ್ರಿಕ ಕಾರಣದಿಂದ ಚಾಲಕನ ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮವಾಗಿ ಅಂಕೋಲಾದ ವ್ಯಕ್ತಿಯೊಬ್ಬನು ಸ್ಥಳದಲ್ಲಿ ಸಾವನ್ನೊಪ್ಪಿದ ಘಟನೆ ಬುಧವಾರ ಬೆಳಗಾವಿಯಲ್ಲಿ ನಡೆದಿದೆ.
ಅಂಕೋಲಾ ತಾಲೂಕಿನ ಭಾವಿಕೇರಿ ಗ್ರಾಪಂ.ವ್ಯಾಪ್ತಿಯ ಗಾಬಿತಕೇಣ ಯ ನಿವಾಸಿ ಮನೋಹರ ದಶರಥ ಭೋತೆ (60) ಎಂಬಾತನೇ ಸ್ಥಳದಲ್ಲಿ ಸಾವನ್ನೊಪ್ಪಿದ ವ್ಯಕ್ತಿ.
ಈತನು ಬುಧವಾರ ಗಾಬೀತಕೇಣ ಯ ಮೀನು ವ್ಯಾಪಾರಿ ಸುರೇಶ ರೇವಣಕರ ಅವರಿಗೆ ಸಂಬಂಧಿಸಿದ ಮೀನುಗಳನ್ನು ಬೆಳಗಾವಿ ಮೀನು ಮಾರುಕಟ್ಟೆಯಲ್ಲಿ ಖಾಲಿ ಮಾಡಿ ಅಂಕೋಲಾಕ್ಕೆ ಬರುತ್ತಿದ್ದ ವೇಳೆ ಆಕಸ್ಮಿಕ ಟಾಟ್‍ಏಸ್ ವಾಹನದ ಸ್ಟೇರಿಂಗ್ ಲಾಕ್ ಆಗಿದೆ ಎನ್ನಲಾಗಿದ್ದು, ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯ ಪಕ್ಕದ ಮರಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಮನೋಹರ ಭೋತೆ ಸ್ಥಳದಲ್ಲಿ ಮೃತಪಟ್ಟಿರುತ್ತಾನೆ. ಚಾಲಕ ರೋಶನ್ ಭಟ್ ಗಂಭೀರ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಈ ಕುರಿತು ಅಪಘಾತ ಸಂಭವಿಸಿದ ಹತ್ತಿರದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮೃತನಿಗೆ ಪತ್ನಿ, ಓರ್ವ ಪುತ್ರ ಮತ್ತು ಓರ್ವ ಪುತ್ರಿ ಇದ್ದಾರೆ. ಗಾಬೀತಕೇಣಯಲ್ಲಿ ಗುರುವಾರ ಮಧ್ಯಾಹ್ನ ಅಂತ್ಯಕ್ರಿಯೆ ನಡೆಯಿತು.