ಡೈಲಿ ವಾರ್ತೆ: 17/NOV/2023
ಕೋಟ ವರುಣ ತೀರ್ಥ ಕೆರೆಗೆ ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದ ವ್ಯಕ್ತಿಯೊರ್ವರು ನೀರಲ್ಲಿ ಮುಳುಗಿ ಮೃತ್ಯು
ಕೋಟ: ಕೋಟ ವರುಣ ತೀರ್ಥ ಕೆರೆಗೆ ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದ ವ್ಯಕ್ತಿಯೊರ್ವರು ನೀರಲ್ಲಿ ಮುಳುಗಿ ಮೃತಪಟ್ಟ ಘಟನೆ ಗುರುವಾರ ಸಂಜೆ ನಡೆದಿದೆ. ಮೃತರನ್ನು ಕೋಟತಟ್ಟು ಗ್ರಾಮದ ಸತೀಶ್ (39) ಎಂದು ಗುರುತಿಸಲಾಗಿದೆ.
ವಿನೋದಾ ಎಂಬಾಕೆ ತನ್ನ ಗಂಡ ಸತೀಶ್ ಎಂಬವರು ನ. 12 ರಂದು ಎಂದಿನಂತೆ ಕೆಲಸಕೆಂದು ಮನೆಯಿಂದ ಹೊರ ಹೋದವರು ವಾಪಾಸು ಬಾರದೆ ಕಾಣೆಯಾಗಿದ್ದಾರೆ ಎಂದು ಕೋಟ ಪೊಲೀಸರಿಗೆ ದೂರು ಸಲ್ಲಿಸಿದ್ದರು. ಗಣೇಶ್ ಎಂಬವರು, ಕಾಣೆಯಾಗಿದ್ದ ಸತೀಶರ ಮೃತ ದೇಹವು ವರುಣ ತೀರ್ಥ ಕೆರೆಯಲ್ಲಿರುವುದಾಗಿ ತಿಳಿಸಿದ್ದು, ಆ ಮೇರೆಗೆ ಸ್ಥಳಕ್ಕೆ ಹೋಗಿ ನೋಡಲಾಗಿ ಅದು ಕಾಣೆಯಾಗಿದ್ದ ಸತೀಶ್ ರವರದ್ದೇ ಎಂದು ಗುರುತಿಸಲಾಗಿದೆ. ಸತೀಶ್ ಕೆಲಸದಿಂದ ಮರಳುವಾಗ ಕೈಕಾಲು ತೊಳೆಯಲೆಂದು ಕೆರೆಗೆ ಇಳಿದಿದ್ದಾಗ ಅಕಸ್ಮಾತ್ತಾಗಿ ಕಾಲು ಜಾರಿ ನೀರಿನಲ್ಲಿ ಮುಳುಗಿರಬಹುದು ಎಂದು ಶಂಕಿಸಲಾಗಿದೆ. ಕೆರೆ ದಂಡೆಗೆ ಆಗಮಿಸಿದ ಕೋಟ ಪೊಲೀಸರು ಹಾಗೂ ಕೋಟ ಜೀವನ್ ಮಿತ್ರ ನಾಗರಾಜ್ ಪುತ್ರನ್ ರವರು ಸ್ಥಳೀಯರ ಸಹಕಾರದಿಂದ ಮೃತ ದೇಹವನ್ನು ಮೇಲೆತ್ತಿ ಮುಂದಿನ ಕ್ರಮ ಜರುಗಿಸಿದ್ದಾರೆ. ಅಸಹಜ ಸಾವಿನ ಪ್ರಕರಣ ದಾಖಲಿಸಲಾಗಿದೆ.