ಡೈಲಿ ವಾರ್ತೆ: 04/DEC/2023
ದೈಹಿಕ ಶಿಕ್ಷಣಾಧಿಕಾರಿ ಶಾಲಾ ಸಂದರ್ಶನ ಭೇಟಿ
ಶಿರಹಟ್ಟಿ: 2023-24 ನೇ ಸಾಲಿನ ಡಿಸೆಂಬರ್ 2023 ರ ತಿಂಗಳ ಶೈಕ್ಷಣಿಕ ಮಾರ್ಗಸೂಚಿಯಂತೆ ಶಿರಹಟ್ಟಿ/ಲಕ್ಷ್ಮೇಶ್ವರ ತಾಲ್ಲೂಕಿನಾದ್ಯಂತ ಡಿಸೆಂಬರ್ 04 ರಿಂದ 7ನೇ ತಾರೀಖಿನವರೆಗೆ ಸರ್ಕಾರಿ, ಅನುದಾನಿತ ಮತ್ತು ಅನುದಾನ ರಹಿತ ಪ್ರಾಥಮಿಕ ಹಾಗೂ ಪ್ರೌಢ ಶಾಲೆಗಳಿಗೆ ಭೇಟಿ ನೀಡುವುದು.
ಶಾಲಾ ಶೈಕ್ಷಣಿಕ ಸಂದರ್ಶನ ಕಾರ್ಯಯೋಜನೆ ಹಮ್ಮಿಕೊಂಡಿದ್ದು, ಅದಕ್ಕೆ ಪೂರಕವಾಗಿ ಇಂದು ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆ ಅಡರಕಟ್ಟಿ, ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಕೊಂಡಿಕೊಪ್ಪ ಮತ್ತು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಹರದಗಟ್ಟಿ ಶಾಲೆಗೆ ತಾಲ್ಲೂಕಿನ ದೈಹಿಕ ಶಿಕ್ಷಣಾಧಿಕಾರಿ ಶ್ರೀ ಎಮ್ ಎಮ್ ಹವಳದ ಮತ್ತು ಶ್ರೀ ಬಿ ಎಮ್ ಯರಗುಪ್ಪಿ ಅವರ ತಂಡ ಭೇಟಿ ನೀಡಿ, ನಲಿ ಕಲಿ ತರಗತಿಗಳ ಶೈಕಣಿಕ ಪ್ರಗತಿ ವೀಕ್ಷಣೆ ಮಾಡಲಾಯಿತು.
ಅದೆ ರೀತಿ ಉನ್ನತ ತರಗತಿ ಪ್ರಕ್ರಿಯೆ ವೀಕ್ಷಣೆ ಮಾಡಿ, ಮಾರ್ಗದರ್ಶನ ಮಾಡಿದರು.
ಇದೇ ಸಂದರ್ಭದಲ್ಲಿ ತಾಲ್ಲೂಕು ದೈಹಿಕ ಶಿಕ್ಷಣಾಧಿಕಾರಿಗಳಾದ ಶ್ರೀ ಎಮ್ ಎಮ್ ಹವಳದ, ಬಿ ಆರ್ ಪಿ ಯವರಾದ ಶ್ರೀ ಬಸವರಾಜ ಎಮ್ ಯರಗುಪ್ಪಿ, ಪ್ರಧಾನ ಗುರುಗಳಾದ ಎಲ್ ಎ ನಂಧೆಣ್ಣವರ ಎಸ್ ಎಚ್ ಉಮಚಗಿ ಎಮ್ ಎಸ್ ಹಿರೇಮಠ ಹಾಗೂ ಎಲ್ಲಾ ಶಿಕ್ಷಕರ ವರ್ಗ ಹಾಜರಿದ್ದರು.