ಡೈಲಿ ವಾರ್ತೆ: 23/Feb/2024
ಹಿರಿಯಡಕ: ಡೀಸೆಲ್ ಕಳ್ಳತನ ಇಬ್ಬರು ಆರೋಪಿಗಳ ಬಂಧನ
ಉಡುಪಿ: ಜಿಲ್ಲೆಯ ಹಿರಿಯಡ್ಕ ಸಮೀಪದ ಪೆರ್ಡೂರಿನ ಗ್ಯಾರೇಜ್‌ನಲ್ಲಿ ನಿಲ್ಲಿಸಿದ್ದ ಟಿಪ್ಪರ್‌ನ ಡೀಸೇಲ್‌ ಕಳ್ಳತನ ಮಾಡಿದ ಆರೋಪಿಗಳನ್ನು ಬಂಧಿಸಿ ಇಬ್ಬರು ಆರೋಪಿಗಳನ್ನು ಹಾಗೂ ಆರೋಪಿಗಳು ಕೃತ್ಯಕ್ಕೆ ಬಳಸಿದ್ದ ವಾಹನ ಮತ್ತು ಸ್ವತ್ತುಗಳನ್ನು ಹಿರಿಯಡ್ಕ ಪೊಲೀಸರು ವಶಪಡಿಸಿಕೊಂಡ ಘಟನೆ ನಡೆದಿದೆ.
ಬಂಧಿತ ಆರೋಪಿಗಳನ್ನು ಸಯ್ಯದ್ ಜಾಫರ್(26), ಸಯ್ಯದ್ ಹಸೇನ್(23) ಎಂದು ತಿಳಿದು ಬಂದಿದೆ.
ಆರೋಪಿಗಳು ಫೆ. 16 ರಂದು ಬೆಳಿಗ್ಗೆ ಸಮಯದಲ್ಲಿ ಪೆರ್ಡೂರು ಸಿದ್ದಿವಿನಾಯಕ ಡೀಸೆಲ್ ವರ್ಕ್ಸ್ ಗ್ಯಾರೇಜ್ ಬಳಿಯಲ್ಲಿ ನಿಲ್ಲಿಸಿದ್ದ ಟಿಪ್ಪರ್ ಲಾರಿಯ ಡಿಸೇಲ್ ಕಳ್ಳತನ ಮಾಡಿರುವ ಬಗ್ಗೆ ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು.
ಪ್ರಕರಣವನ್ನು ಗಂಭೀರವಾಗಿ ಪಡೆದುಕೊಂಡ ಹಿರಿಯಡ್ಕ ಪೊಲೀಸರು ದಿನಾಂಕ ಫೆ. 21 ರಂದು ಬೆಳಿಗ್ಗೆ ಈ ಸಹೋದರ ಆರೋಪಿಗಳನ್ನು ಬಂಧಿಸಿದ್ದಾರೆ.
ಕೃತ್ಯಕ್ಕೆ ಬಳಸಿದ್ದ ಮಿನಿ ಗೂಡ್ ವಾಹನ (ಅಂದಾಜು ಮೌಲ್ಯ 2 ಲಕ್ಷ ರೂ), ಡಿಸೇಲ್ ಕಳ್ಳತನಕ್ಕೆ ಬಳಸಿದ್ದ ಕ್ಯಾನ್, ಹಾಗೂ ಸ್ಕ್ಯಾನರನ್ನು ಸ್ವಾಧೀನಪಡಿಸಿಕೊಂಡು ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.
ಆರೋಪಿಗಳು ಸಹೋದರರಾಗಿದ್ದು ಅವರು ಕಳ್ಳತನ ಕೃತ್ಯದಲ್ಲಿ ಕುಖ್ಯಾತರಾಗಿದ್ದು ಅವರ ವಿರುದ್ದ ಈ ಹಿಂದೆ ಶಿವಮೊಗ್ಗ ಉಡುಪಿ ಹಾಗೂ ಹಾಸನ ಜಿಲ್ಲೆಯಲ್ಲಿ ಪ್ರಕರಣ ದಾಖಲಾಗಿರುವ ಬಗ್ಗೆ ತಿಳಿದುಬಂದಿರುತ್ತದೆ.