ಡೈಲಿ ವಾರ್ತೆ: 23/Feb/2024
ಬೈಂದೂರು ವಲಯದ ಭಜನಾ ಒಕ್ಕೂಟ ಅಧ್ಯಕ್ಷ ಅಶ್ವತನಾರಾಯಣ ಇನ್ನಿಲ್ಲ!
ಕುಂದಾಪುರ:ಬದುಕಿನುದ್ದಕ್ಕೂ ಭಗವಂತನನ್ನ ಸ್ಮರಿಸಿ, ವೃತ್ತಿಯಲ್ಲಿ ಸೇವಾ ಸಹಕಾರಿ ಶಾಖೆಯಲ್ಲಿ ಸೇವೆ ಸಲ್ಲಿಸಿ,ಬದುಕಿನ ಬವಣೆಗಳನ್ನ ಶ್ರೀಹರಿಯ ಪಾದಕಿಟ್ಟು, ತುಂಬಿದ ಸಂಸಾರವನ್ನ ಹೊಂದಿ, ಸಂಸಾರದ ಜವಾಬ್ದಾರಿಯನ್ನ ಮುಗಿಸಿ,ಸೀತಾರಾಮಚಂದ್ರ ದೇವಸ್ಥಾನದ ನಿರ್ದೇಶಕರಾಗಿ ದೇವಸ್ಥಾನದಲ್ಲಿ ರಂಗಪೂಜೆ, ಗಣಹೋಮ ಇನ್ನಿತರ ಕಾರ್ಯಗಳನ್ನ ಪ್ರಾರಂಭಿಸಲು ಶ್ರಮಿಸಿ, ದೇವತಾ ಕಾರ್ಯಗಳಿಗೆ ತಮ್ಮನ್ನ ತೊಡಗಿಸಿಕೊಂಡು, ಭಜನೆಯ ಮಹತ್ವವನ್ನ ಸಮಾಜಕ್ಕೆ ತಿಳಿಸಿ ಮುಂದಿನ ಪೀಳಿಗೆಗೆ ಭಜನಾ ಸಂಸ್ಕೃತಿ ಸಾಗಬೇಕೆನ್ನುವ ಮಹದಾಸೆಯೊಂದಿಗೇ ಶ್ರೀರಾಮ ಭಜನಾ ಮಂಡಳಿ ಮಯ್ಯಾಡಿ ಎನ್ನುವ ಬಲಿಷ್ಠ ಭಜನಾ ತಂಡವನ್ನ ಹುಟ್ಟು ಹಾಕಿ,ಭಜನಾ ಒಕ್ಕೂಟ ಬೈಂದೂರು ವಲಯದ ಅಧ್ಯಕ್ಷರಾಗಿ ಕಾರ್ಯ ನಿರ್ವಹಿಸಿ
ಅನುದಿನವು, ಕ್ಷಣಕ್ಷಣವೂ ರಾಮನನ್ನ ಭಜಿಸಿ ಭಜನೆಯಿಂದ ಭಗವಂತನನ್ನ ಒಲಿಸಿಕೊಂಡು ಹಲವಾರು ಭಜನಾ ಮಂಗಲೋತ್ಸವದಲ್ಲಿ ಪಾಲ್ಗೊಂಡು ವೈರಾಗ್ಯಪದ ಹಾಡಿ ಭಕ್ತಿಯಿಂದ ಮುಕ್ತಿ ಎಂಬಂತೆ ಸದ್ಗತಿಗಾಗಿ ಮುಕ್ತಿದಾಯಕನಾದ ಶ್ರೀಹರಿಯ ಪಾದದಲ್ಲಿ ವಿಲೀನರಾದ ಹೆಬ್ಬಾಗಿಲುಮನೆತನದ ಅಶ್ವತನಾರಾಯಣರವರ ದಿವ್ಯಾತ್ಮಕ್ಕೆ ಕೋಟಿ ನಮನಗಳು ಇವರು ಹೆಂಡತಿ ಮತ್ತು ಎರಡು ಗಂಡು ಮಕ್ಕಳು ಎರಡು ಹೆಣ್ಣು ಮಕ್ಕಳನ್ನು ಅಗಲಿದ್ದಾರೆ.