ಡೈಲಿ ವಾರ್ತೆ: 06/ಜೂ./2024
ಸಾಸ್ತಾನ: ಚಲಿಸುತ್ತಿದ್ದ ಕ್ರೇನ್ ಮೇಲೆ ಮರ ಬಿದ್ದು ಕ್ರೇನ್ ಜಖಂ, ಸಂಚಾರ ಅಸ್ತವ್ಯಸ್ತ!
ಕೋಟ: ಸಾಸ್ತಾನ ಪಾಂಡೇಶ್ವರ ರಸ್ತೆಯಲ್ಲಿ ಚಲಿಸುತ್ತಿದ್ದ ಕ್ರೇನ್ ಮೇಲೆ ಬೃಹತ್ ಗಾತ್ರದ ಮರ ಬಿದ್ದು ಕ್ರೇನ್ ಹಾಗೂ ವಿದ್ಯುತ್ ಕಂಬ ಜಖಂ ಗೊಂಡ ಘಟನೆ ಗುರುವಾರ ಬೆಳಿಗ್ಗೆ ನಡೆದಿದೆ.
ಬೆಣ್ಣೆ ಕುದ್ರುವಿನಲ್ಲಿ ನಡೆಯುತ್ತಿರುವ ಕಾಮಗಾರಿ ಮುಗಿಸಿ ಬರುತ್ತಿದ್ದ ಕ್ರೇನ್ ಮೇಲೆ ಮರ ಬಿದ್ದ ಪರಿಣಾಮವಾಗಿ ಕ್ರೇನ್ ಜಖಂಗೊಂಡು ವಿದ್ಯುತ್ ಕಂಬ ಕೂಡ ಬಿರುಕು ಬಂದಿದೆ.
ಈ ಘಟನೆಯಿಂದಾಗಿ 2 ಗಂಟೆಗಳ ಕಾಲ ಸಂಚಾರ ಅಸ್ತವ್ಯಸ್ತವಾಗಿ
ಶಾಲಾ ಬಸ್ ಗಳಿಗೆ ಕೂಡ ತಡವಾಗಿರುತ್ತದೆ.
ತಕ್ಷಣ ಸಾಸ್ತಾನ ಮೆಸ್ಕಾಂ ನೌಕರರು ಮತ್ತು ಗ್ರಾಮಪಂಚಾಯತ್ ಸದಸ್ಯರು ಹಾಗೂ ಸಾರ್ವಜನಿಕರು ಸೇರಿ ಮರವನ್ನು ತೆರವುಗೊಳಿಸಿ ಸುಗಮ ಸಂಚಾರಕ್ಕೆ ವ್ಯವಸ್ಥೆ ಮಾಡಿದರು.