ಡೈಲಿ ವಾರ್ತೆ: 14/MAY/2025
ಸಾಲಿಗ್ರಾಮ| “ಆಪರೇಷನ್ ಫುಟ್ ಪಾತ್” ಪಟ್ಟಣ ಪಂಚಾಯತ್ ಒಳಪೇಟೆ ರಸ್ತೆ ಜಾಗ ಒತ್ತುವರಿ
ತೆರವುಗೊಳಿಸಲು ಸೂಚನೆ
ಕೋಟ: ಸಾಲಿಗ್ರಾಮ ಪಟ್ಟಣ ಪಂಚಾಯತ್ ಪ್ರಕಟಣೆಯಂತೆ ದಿನಾಂಕ: 27-12-2022 ರಂದು ಸರ್ವೇ ಇಲಾಖೆ ಬ್ರಹ್ಮಾವರ ಹಾಗೂ ಪಟ್ಟಣ ಪಂಚಾಯತ್ ಸಾಲಿಗ್ರಾಮ ಇವರು ಜಂಟಿಯಾಗಿ ಸಾಲಿಗ್ರಾಮ ಒಳಪೇಟೆ ರಸ್ತೆ ಜಾಗವನ್ನು ಒತ್ತುವರಿ ಮಾಡಿರುವ ಬಗ್ಗೆ ನಕ್ಷೆ ವರದಿಯನ್ನು ಸಲ್ಲಿಸಿರುತ್ತಾರೆ.
ಈ ಬಗ್ಗೆ ಸಾಲಿಗ್ರಾಮ ಪಟ್ಟಣ ಪಂಚಾಯತ್ ನ ಒಳಪೇಟೆ ಅಂಗಡಿ ಮುಂಗಟ್ಟುದಾರರು ಸದ್ರಿ ಒತ್ತುವರಿ ಮಾಡಿಕೊಂಡಿರುವ ಸರ್ಕಾರಿ ಜಾಗವನ್ನು ತಮ್ಮ ಸ್ವಂತ ಖರ್ಚಿನಲ್ಲಿಯೇ 3 ದಿನದೊಳಗೆ ಅಂದರೆ ದಿನಾಂಕ: 17-05-2025ರ ಒಳಗೆ ತೆರವುಗೊಳಿಸತಕ್ಕದ್ದು.
ತಪ್ಪಿದ್ದಲ್ಲಿ ದಿನಾಂಕ:16-04-2025 ರಂದು ಸಾಲಿಗ್ರಾಮ ಪಟ್ಟಣ ಪಂಚಾಯತ್ ಸಾಮಾನ್ಯ ಸಭೆಯ ನಿರ್ಣಯದಂತೆ ಸಾಲಿಗ್ರಾಮ ಪಂಚಾಯತ್ ವತಿಯಿಂದ ʼʼಆಪರೇಶನ್ ಫುಟ್ ಫಾತ್ ʼʼ ಒತ್ತುವರಿ ತೆರವು ಕಾರ್ಯಾಚರಣೆಯನ್ನು ನಡೆಸಿ ಅತಿಕ್ರಮಿತ ಅಂಗಡಿಗಳನ್ನು ತೆರವುಗೊಳಿಸುವುದರೊಂದಿಗೆ ಸದ್ರಿ ಕಾರ್ಯಾಚರಣೆಗೆ ತಗಲಿದ ಖರ್ಚು ವೆಚ್ಚದ ವಸೂಲಿಯೊಂದಿಗೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂಬುದಾಗಿ ಪಟ್ಟಣ ಪಂಚಾಯತ್ ಮುಖ್ಯಾಧಿಕಾರಿಯವರ ಪ್ರಕಟಣೆ ತಿಳಿಸಿದೆ.