ಡೈಲಿ ವಾರ್ತೆ: 28/NOV/2025
ಅಂದು ಕನಕನ ಕಿಂಡಿಗೆ ಚಿನ್ನದ ಕವಚ ನೀಡಿದ ಮಾಜಿ ಸಚಿವ ಪ್ರಮೋದ್ ಮದ್ವರಾಜ್ ಗೆ ಇಂದು ಪ್ರಧಾನಿಯೊಂದಿಗೆ ಸಿಗದ ವೇದಿಕೆ – ನಾಗೇಂದ್ರ ಪುತ್ರನ್ ಕೋಟ
ಉಡುಪಿ: ಪ್ರಮೋದ್ ಮದ್ವರಾಜ್ ಹೆಸರಿನ ಜೊತೆಗೆ ಮಾಜಿ ಸಚಿವರು ಎನ್ನುವ ಪದವಿ ಕಾಂಗ್ರೆಸ್ ಕೊಟ್ಟಿರುವ ಶ್ರೀ ಕ್ರಷ್ಣ ದೇವರ ಪ್ರಸಾದ, ಅದನ್ನ ಮರೆತು ಬಿಜೆಪಿಯೊಂದಿಗೆ ಅಪವಿತ್ರ ಮೈತ್ರಿಗೆ ಇಂದು ಪ್ರಧಾನಿಯೊಂದಿಗೆ ವೇದಿಕೆ ಸಿಗದೇ ಇರುವುದೇ ಕಾರಣವಾಗಿದೆ ಎಂದು ಉಡುಪಿ ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗದ ಉಪಾಧ್ಯಕ್ಷ ನಾಗೇಂದ್ರ ಪುತ್ರನ್ ಬೇಸರ ವ್ಯಕ್ತಪಡಿಸಿದ್ದಾರೆ.
ಕೆಲವು ದಶಕದ ಹಿಂದೆ ಮದ್ವರಾಜರು ಕನಕ ದಾಸರ ಮೂರ್ತಿ ಮಾಡಿಸಿದ್ದರು. ಇದೀಗ ಅವರ ಮಗ ಪ್ರಮೋದ್ ಮದ್ವರಾಜ್ ಚಿನ್ನದ ಕನಕನ ಕಿಂಡಿ ಮಾಡಿಸಿ ಕೊಟ್ಟಿದ್ದರು.
ಇದು ಸಂತೋಷದ ವಿಚಾರ, ಆದರೆ ಉಡುಪಿ ಕ್ಷೇತ್ರದ ಶಾಸಕರು ತನ್ನ ವರ್ಚಸ್ಸು ಕಡಿಮೆ ಆಗುತ್ತದೆ ಎಂಬ ಉದ್ದೇಶದಿಂದ ಹಾಗೂ ಮುಂದಿನ ವಿಧಾನಸಭಾ ಟಿಕೆಟ್ ಕೈ ತಪ್ಪುತ್ತದೆ ಎಂಬ ದೂರ ದುರಾಲೋಚನೆಯಿಂದ, ಪ್ರಧಾನಿ ಭೇಟಿ ಸಂದರ್ಭದಲ್ಲಿ ಪ್ರಮೋದ್ ಮದ್ವರಾಜ್ ಅವರನ್ನು ದೂರ ಇಟ್ಟಿದ್ದಾರೆ. ಅಲ್ಲದೇ ಮಾಜಿ ಶಾಸಕ ರಘುಪತಿ ಭಟ್ ಅವರಿಗೂ ಕೂಡ ಇಂದಿನ ಕಾರ್ಯಕ್ರಮಕ್ಕೆ ಅಹ್ವಾನ ಇರಲಿಲ್ಲ. ಇದರೆ ಹಿಂದೆ ಶಾಸಕರ ಕೈವಾಡ ಇರಬಹುದು ಎನ್ನುವ ಸಂಶಯ ವ್ಯಕ್ತವಾಗಿದೆ.
ಕಾರಣ ಪ್ರಧಾನಿ ಮೋದಿಯ ಕಣ್ಣು ಮುಂದೆ ಇವರು ಬರಬಾರದು, ಬಂದರೆ ಮುಂದಿನ ಚುನಾವಣೆಯಲ್ಲಿ ನನಗೆ ಟಿಕೆಟ್ ಕೈ ತಪ್ಪಬಹುದು ಎಂಬ ದುರುದ್ದೇಶದಿಂದ ಇಬ್ಬರು ಪ್ರಭಾವಿ ನಾಯಕರಿಗೆ ಅಹ್ವಾನವಿಲ್ಲ.
ನಾನು ಕಾಂಗ್ರೆಸ್ ನಿಷ್ಠಾವಂತ ಆಗಿರಬಹುದು ಆದರೆ ಹಾಲಿ ಶಾಸಕರನ್ನ ಸಂಪೂರ್ಣ ಅರ್ಥ ಮಾಡಿಕೊಂಡಿದ್ದೆನೆ, ಹಾಲಿ ಶಾಸಕರು ಬೆಳೆದು ಬಂದ ರೀತಿ ನಾನು ಹೇಗೆ ಬಂದ್ರು ಅನ್ನುವ ಬಗ್ಗೆ ಯಾವುದೇ ಸಮಯದಲ್ಲೂ ಕೂಡ ಸ್ಪಷ್ಟ ಪಡಿಸುತ್ತೇನೆ, ಸಾಮಾಜಿಕವಾಗಿ ಬೆಳೆದು ಬರುವ ಹಾಗೆ ಬಂದಿದ್ದರೆ ಉತ್ತಮವಾದ ನಡವಳಿಕೆ, ಹಾಗೂ ನಾನು ಈ ಮಟ್ಟಕ್ಕೆ ಬೆಳೆಯಲು ಕಾರಣ ಆದವರನ್ನು ಸ್ಮರಿಸುತ್ತಿದ್ದರು, ಬೆಳೆದು ಬಂದ ದಾರಿಯೆ ಸಂಶಯಸ್ಪದವಾಗಿರುವಾಗ , ತನಗೆ ಸಹಾಯ ಮಾಡಿದವರನ್ನು ಮೂಲೆಗುಂಪು ಮಾಡಲು ಹೊರಟ್ಟಿದ್ದು ಆಶ್ಚರ್ಯವೇನಲ್ಲ ಎಂದು ಕೋಟ ನಾಗೇಂದ್ರ ಪುತ್ರನ್ ಮಾಧ್ಯಮ ಮುಂದೆ ಹೇಳಿದ್ದಾರೆ.