ಡೈಲಿ ವಾರ್ತೆ:09 ಮಾರ್ಚ್ 2023
ಕೋಟೇಶ್ವರ: ಮಹಿಳಾ ದಿನಾಚರಣೆ – ನೀರ್ ಪದ್ಮರಿಗೆ ಸನ್ಮಾನ
ಕುಂದಾಪುರ :ಚಂದನ ಯುವಕ ಮಂಡಲ (ರಿ) ಬೀಜಾಡಿ – ಗೋಪಾಡಿ ಇವರು ವಿಶ್ವ ಮಹಿಳಾ ದಿನಾಚರಣೆಯ ಸಂದರ್ಭದಲ್ಲಿ ಕೋಟೇಶ್ವರದ ‘ನೀರಮ್ಮ’ ಎಂದೇ ಖ್ಯಾತರಾದ ಹೊದ್ರಾಳಿಯ ಪದ್ಮಮ್ಮರನ್ನು ಗೌರವಿಸಿದರು. ಸಂಸ್ಥೆಯ ಗೌರವಾಧ್ಯಕ್ಷ ಗಿರಿಧರ ಉಪಾಧ್ಯ, ಅಧ್ಯಕ್ಷ ಪ್ರಕಾಶ ಕಳ್ಳಿಗುಡ್ಡಿ, ಪ್ರಶಾಂತ ಶೆಟ್ಟಿ ಕಟ್ಕೇರಿ, ಕಾರ್ಯದರ್ಶಿ ಸತೀಶ್ ಜಿ. ಕೆ. ಹಾಗೂ ಸದಸ್ಯರು ಉಪಸ್ಥಿತರಿದ್ದರು. ಶ್ರೀಧರ ಉಡುಪ ಸಮ್ಮಾನಿತರ ಸಾಧನೆಯನ್ನು ವಿವರಿಸಿದರು.
ಕೃತಜ್ಞತೆ ಸಲ್ಲಿಸಿದ ಪದ್ಮಮ್ಮ, ದೊಡ್ಡ ದೊಡ್ಡ ಸಮಾರಂಭಗಳಲ್ಲಿ ಯಾವುದೇ ಫಲಾಪೇಕ್ಷೆ ಇಲ್ಲದೆ, ದಣಿದವರ ಬಾಯಾರಿಕೆ ನೀಗಿಸುವ ತನ್ನ ಸಣ್ಣ ಕಾರ್ಯವನ್ನು ಗುರುತಿಸಿ ಸನ್ಮಾನಿಸಿದ್ದು ಸಂಸ್ಥೆಯವರ ಔದಾರ್ಯ ಎಂದು ಶ್ಲಾಘಿಸಿದರು.