ಡೈಲಿ ವಾರ್ತೆ:22 ಏಪ್ರಿಲ್ 2023
ಕೋಟ ಪಾದಾಚಾರಿಗೆ ಬಸ್ ಡಿಕ್ಕಿ:ವ್ಯಕ್ತಿ ಸ್ಥಳದಲ್ಲೇ ಮೃತ್ಯು
ಕೋಟ:ಉಡುಪಿ ಕಡೆಯಿಂದ ಕುಂದಾಪುರ ಕಡೆಗೆ ಹೋಗುತ್ತಿರುವ ಭಾರತಿ ಎಕ್ಸಪ್ರೆಸ್ ಬಸ್ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಗೆ ಡಿಕ್ಕಿ ಹೊಡೆದು ಸ್ಥಳದಲ್ಲೇ ವ್ಯಕ್ತಿ ಮೃತಪಟ್ಟ ಘಟನೆ ಶನಿವಾರ ಬೆಳಿಗ್ಗೆ ಸಾಲಿಗ್ರಾಮ ಚಿತ್ರಪಾಡಿ ಪರಿವರ್ತನಾ ಆಸ್ಪತ್ರೆಯ ಎದುರು ನಡೆದಿದೆ.
ಮೃತರು ಸ್ಥಳೀಯ ಚಿತ್ರಪಾಡಿ ರಘುರಾಮ ಶೆಟ್ಟಿ(75) ಎಂದು ಗುರುತಿಸಲಾಗಿದೆ.
ರಘುರಾಮ ಶೆಟ್ಟಿರವರು ಕಾರ್ಯನಿಮಿತ್ತ ಕೋಟಕ್ಕೆ ಬಂದಿದ್ದ ಅವರು ಮನೆಗೆ ಮರಳಲು ಪಶ್ಚಿಮ ಬದಿಯಿಂದ ಪೂರ್ವದ ಡಿವೈಡರ್ ಬಳಿ ನಡೆದುಕೊಂಡು ಹೋಗುತಿದ್ದಾಗ ವೇಗವಾಗಿ ಕುಂದಾಪುರದತ್ತ ಸಾಗುತಿದ್ದ ಖಾಸಗಿ ಎಕ್ಸ್ಪ್ರೆಸ್ ಬಸ್ ಪಾದಾಚಾರಿಗೆ ಬಡಿದು ನಿಯಂತ್ರಣ ತಪ್ಪಿ ರಸ್ತೆಯ ಡಿವೈಡರ್ ಮೇಲೆ ಹತ್ತಿ ಮತ್ತೊಂದು ಬದಿಯಲ್ಲಿ ನಿಂತಿತ್ತು.
ಪರಿಣಾಮವಾಗಿ ತಲೆ ಹಾಗೂ ದೇಹದ ಇತರ ಭಾಗಗಳಿಗೆ ತೀವ್ರವಾದ ಗಾಯವಾದ ರಘುರಾಮ ಶೆಟ್ಟಿ ಅವರು ಸ್ಥಳದಲ್ಲೇ ಮೃತಪಟ್ಟರು.
ಕೋಟ ಆರಕ್ಷಕ ಠಾಣಾಧಿಕಾರಿ ಮಧು ಬಿಇ ಹಾಗೂ ಸಿಬ್ಬಂದಿಯವರು ಸ್ಥಳಕ್ಕಾಗಮಿಸಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.