ಡೈಲಿ ವಾರ್ತೆ:24 ಏಪ್ರಿಲ್ 2023
ರಾಮನಗರದಲ್ಲಿ ಚಲಿಸುತ್ತಿದ್ದ ರೈಲಿನಿಂದ ಬೇರ್ಪಟ್ಟ ಬೋಗಿ !
ರಾಮನಗರ: ಚಲಿಸುತ್ತಿದ್ದ ರೈಲಿನಿಂದ ಏಕಾಎಕಿ ಬೋಗಿಗಳು ಬೇರ್ಪಟ್ಟಿರುವ ಘಟನೆ ರಾಮನಗರ ರೈಲು ನಿಲ್ದಾಣದಲ್ಲಿ ಭಾನುವಾರ ರಾತ್ರಿ ನಡೆದಿದ್ದು, ಅದೃಷ್ಟವಶಾತ್ ಯಾವುದೇ ಅಪಾಯ ಸಂಭವಿಸಿಲ್ಲ. ಸ್ಥಳದಲ್ಲಿ ಕೆಲಕಾಲ ಆತಂಕದ ಪರಿಸ್ಥಿತಿ ನಿರ್ಮಾಣವಾಗಿದ್ದು ಪ್ರಯಾಣಿಕರಿಗೆ ಅಡಚಣಯಾಯಿತು.
ಮೈಸೂರಿನಿಂದ ಬೆಂಗಳೂರಿನ ಕಡೆಗೆ ತೆರೆಳುತ್ತಿದ್ದ ತೂತುಕುಡಿ ಎಕ್ಸ್ ಪ್ರೆಸ್ ರೈಲು ರಾಮನಗರ ರೈಲ್ವೆ ನಿಲ್ದಾಣದಿಂದ ರಾತ್ರಿ 8 ಗಂಟೆಗೆ ವೇಳೆ ಮುಂದೆ ಸಾಗುವಾಗ ಏಕಾಏಕಿ ರೈಲಿನ ಮೂರು ಬೋಗಿಗಳು ಎಂಜಿನ್ ನಿಂದ ಬೇರ್ಪಟ್ಟಿವೆ. ಆದರೆ, ರೈಲು ನಿಲ್ದಾಣದ ಮಿತಿಯೊಳಗೆ ಸಂಚರಿಸುತ್ತಿದ್ದ ಹಿನ್ನಲೆಯಲ್ಲಿ ವೇಗವು ತಗ್ಗಿತ್ತು. ಹೀಗಾಗಿ ಹಳಿಯಲ್ಲಿಯೇ ಸುರಕ್ಷಿತವಾಗಿ ಬೋಗಿಗಳು ನಿಂತಿದ್ದವು.