ಡೈಲಿ ವಾರ್ತೆ:24 ಏಪ್ರಿಲ್ 2023
ಬ್ರಹ್ಮಾವರ: ಹೊಳೆಯಲ್ಲಿ ಕಪ್ಪೆಚಿಪ್ಪು ತೆಗೆಯಲು ಹೋಗಿ ನೀರುಪಾಲದ ನಾಲ್ವರು ಯುವಕರ ಮೃತದೇಹ ಪತ್ತೆ .!
ಬ್ರಹ್ಮಾವರ: ಕುಕ್ಕುಡೆ ಕುದ್ರುವಿನಲ್ಲಿ ಕಪ್ಪೆ ಚಿಪ್ಪು ತೆಗೆಯಲು ಹೋಗಿ ನಾಲ್ವರು ನೀರುಪಾಲದ ಘಟನೆ ಭಾನುವಾರ ಸಂಜೆ ನಡೆದಿದೆ.
ರಂಜಾನ್ ಹಬ್ಬಕ್ಕೆ ಸಂಬಂಧಿಕರ ಮನೆಗೆ ಬಂದಿದ್ದ ಶೃಂಗೇರಿ ಅಡ್ಗೆದ್ದೆಯ ಸಹೋದರರಾದ ಸಫಾನ್ ಮತ್ತು ಫರಾನ್ ಹಾಗೂ ಸಂಬಂಧಿಗಳಾದ ಹೂಡೆಯ ಫೈಝಾನ್ ಮತ್ತು ಇಬಾದ್, ಸೇರಿ ನಾಲ್ವರು ನೀರಲ್ಲಿ ಮುಳುಗಿ ಮೃತಪಟ್ಟವರೆಂದು ತಿಳಿಯಲಾಗಿದೆ.
ಚಿಪ್ಪು, ಮರುವಾಯಿ ಹಿಡಿಯಲು ದೋಣಿಯಲ್ಲಿ ಹೂಡೆಯಿಂದ 7 ಮಂದಿ ಸ್ವರ್ಣಾ ನದಿಯ ಕುಕ್ಕುಡೆ ಕುದ್ರು ಬಳಿ ಆಗಮಿಸಿದ್ದರು. ನೀರಿನ ಮಟ್ಟ ಹಾಗೂ ಮರಳುಗಾರಿಕೆಯಿಂದ ಆದ ಹೊಂಡ ಅರಿಯದೆ ಮುಳುಗಿದ್ದು. ಒಬ್ಬರನ್ನು ರಕ್ಷಿಸಲು ಮತ್ತೂಬ್ಬರು ತೆರಳಿ ನಾಲ್ವರು ನೀರುಪಾಲಾಗಿದ್ದಾರೆ ಎನ್ನಲಾಗಿದೆ. ಸ್ಥಳದಲ್ಲೇ ಮೂವರ ಮೃತದೇಹ ದೊರೆತಿದ್ದು, ಇನ್ನೋರ್ವನ ಮೃತ ದೇಹ ತಡರಾತ್ರಿ ಸಿಕ್ಕಿರುತ್ತದೆ.
ರವಿವಾರ ಜೋರಾದ ಗಾಳಿ ಬೀಸುತ್ತಿದ್ದುದರಿಂದ ಘಟನೆಗೆ ಕಾರಣವಾಗಿದೆ ಎನ್ನಲಾಗಿದೆ. 7 ಜನರಲ್ಲಿ ಮೂವರು ಈಜಿಕೊಂಡು ದಡ ಸೇರಿದ್ದಾರೆ ಎಂದು ತಿಳಿಯಲಾಗಿದೆ.
ನಾಲ್ವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಉಡುಪಿ ಸರಕಾರಿ ಆಸ್ಪತ್ರೆಗೆ ಕಳಿಸಲಾಗಿದೆ.