ಡೈಲಿ ವಾರ್ತೆ:02 ಮೇ 2023
ಮೊಗವೀರ ಯುವ ಸಂಘಟನೆಯ ಕೋಟೇಶ್ವರ ಘಟಕ ಮತ್ತು ಮಹಿಳಾ ಸಂಘಟನೆ ಆಶ್ರಯದಲ್ಲಿ ಕುಂಬ್ರಿ ಹಳೆಅಳಿವೆಯ ಮಹಿಳೆಗೆ ಮನೆ ನಿರ್ಮಿಸಿ ಹಸ್ತಾಂತರ
ಕೋಟೇಶ್ವರ:ಉಡುಪಿ ಜಿಲ್ಲೆಯ ಮೊಗವೀರ ಯುವ ಸಂಘಟನೆಯ ಕೋಟೇಶ್ವರ ಘಟಕ ಮತ್ತು ಮಹಿಳಾ ಸಂಘಟನೆ ಆಶ್ರಯದಲ್ಲಿ, ಕುಂಬ್ರಿ- ಹಳೆಅಳಿವೆಯ ಪದ್ದಕ್ಕ ಎಂಬ ಕಡುಬಡತನದಲ್ಲಿದ್ದ ಮಹಿಳೆಗೆ ಮನೆ ನಿರ್ಮಿಸಿ ಹಸ್ತಾಂತರಿಸಲಾಯಿತು.
ಮನೆಯ ಉದ್ಘಾಟನೆಯನ್ನು ಗೀತಾನಂದ ಪೌಂಡೇಶನ್ ಟ್ರಸ್ಟ್ ಪ್ರವರ್ತಕರಾದ ಆನಂದ ಸಿ. ಕುಂದರ್ ಅವರ ಅಮೃತ ಹಸ್ತದಿಂದ ಉದ್ಘಾಟನೆಗೊಂಡಿತು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮೊಗವೀರ ಯುವ ಸಂಘಟನೆ ಕೋಟೇಶ್ವರ ಘಟಕದ ಅಧ್ಯಕ್ಷ ಸುನೀಲ್ ಜಿ. ನಾಯ್ಕ್ ಚಾತ್ರಬೆಟ್ಟು ವಹಿಸಿದ್ದರು.
ಮುಖ್ಯ ಅತಿಥಿಗಳಾಗಿ ಬಗ್ವಾಡಿ ಹೋಬಳಿಯ ಮೊಗವೀರ ಮಹಾಜನ ಸಂಘ ಅಧ್ಯಕ್ಷ ಉದಯ ಕುಮಾರ್ ಹಟ್ಟಿಯಂಗಡಿ
ಉಪಾಧ್ಯಕ್ಷ ಜಗದೀಶ್ ಮೊಗವೀರ ಮಾರ್ಕೋಡು, ಪ್ರಧಾನ ಕಾರ್ಯದರ್ಶಿ ರವೀಶ್ ಎಸ್ ಕೊರವಡಿ, ಅನುಸೂಯ ಕೆದೂರು ಮಹಿಳಾ ಅಧ್ಯಕ್ಷೆ, ಸಂಜೀವ ಮರಕಾಲ ಹಳೆಅಳಿವೆ, ನಿವೃತ್ತ ಸರಕಾರಿ ಲೆಕ್ಕ ಪರಿಶೋಧಕರು, ರಾಜು ಗುರಿಕಾರ, ಅಧ್ಯಕ್ಷರು ಆಡಳಿತ ಮಂಡಳಿ ಶ್ರೀ ಚಿಕ್ಕು ಅಮ್ಮ ದೇವಸ್ಥಾನ ಹಳೆಅಳಿವೆ, ಮತ್ತು, ಮನೆ ಸಂಪೂರ್ಣ ಗೊಳಿಸಲು ಸಹಕರಿಸಿದ ಮಹನೀಯರಾದ, ಜಗದೀಶ್ ಮಾರ್ಕೊಡು,ಭಾಸ್ಕರ್ ಕುಂಬ್ರಿ, ರಾಜುಗುರಿಕಾರ ಹಾಡಿಮನೆ ಮತ್ತು ಅರ್ಜುನ್ ಅವರನ್ನು ಸನ್ಮಾನಿಸಲಾಯಿತು. ಮತ್ತು ಕರೆಸೇವೆ ಮಾಡಿದವರನ್ನು ಈ ಸಂದರ್ಭದಲ್ಲಿ ಗುರುತಿಸಲಾಯಿತು, ಅಶೋಕ್ ತೆಕ್ಕಟ್ಟೆ ಕಾರ್ಯಕ್ರಮ ನಿರೂಪಿಸಿದರು, ಕಾರ್ಯದರ್ಶಿ ಪುಂಡಲೀಕ ಮೊಗವೀರ ಸ್ವಾಗತಿಸಿದರು, ಆನಂದ ಬಿ. ಕುಂದರ್ ಅಜ್ಜರಬೆಟ್ಟು ಪ್ರಾರ್ಥನೆ ಮಾಡಿದರು, ಮಹಿಳಾ ಕಾರ್ಯದರ್ಶಿ ಉಷಾ ಮಾರ್ಕೋಡು ಧನ್ಯವಾದ ಸಮರ್ಪಿಸಿದರು.