ಡೈಲಿ ವಾರ್ತೆ: 02 ಜೂನ್ 2023
ಜೂ. 3 ರಂದು (ನಾಳೆ) ಸಭಾಧ್ಯಕ್ಷ ಯುಟಿ ಖಾದರ್ ಉಡುಪಿಗೆ : ಸಾಧಕ ವಿದ್ಯಾರ್ಥಿಗಳಿಗೆ ಸನ್ಮಾನ
ಉಡುಪಿ: ಎಸ್ ಎಸ್ ಎಲ್ ಸಿ ಮತ್ತು ಪಿ ಯು ಸಿ ಯಲ್ಲಿ ಶೇ. 85 ಅಂಕ ಗಳಿಸಿದ 268 ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಸಚಿವ ಯು.ಟಿ. ಖಾದರ್ ಅವರು ಜೂನ್ 3 ರ ಶನಿವಾರ ಉಡುಪಿಯಲ್ಲಿ ನಡೆಯುವ ಸಮಾರಂಭವೊಂದರಲ್ಲಿ ಸನ್ಮಾನಿಸಿ ಅಭಿನಂದಿಸುವರು.
ನಮ್ಮನಾಡ ಒಕ್ಕೂಟ ಹೆಬ್ರಿ ಘಟಕವು ಉಡುಪಿಯ ಮಣಿಪಾಲ್ ಇನ್ ಹೋಟೆಲಿನಲ್ಲಿ ಮಧ್ಯಾನ್ಹ 2 ಗಂಟೆಗೆ ಈ ಸನ್ಮಾನ ಮತ್ತು ಮುಂದಿನ ಶೈಕ್ಷಣಿಕ ಮಾಹಿತಿ ಕಾರ್ಯಕ್ರಮ ವನ್ನು ಆಯೋಜಿಸಿದೆ. ಎಸ್ ಎಸ್ ಎಲ್ ಸಿ ಮತ್ತು ಪಿ ಯು ಸಿ ಉತ್ತೀರ್ಣರಾದವರಿಗೆ ಮುಂದಿನ ಶೈಕ್ಷಣಿಕ ವರ್ಷದಲ್ಲಿ ಸಿಗುವ ವಿದ್ಯಾರ್ಥಿ ವೇತನದ ಬಗ್ಗೆಯೂ ಈ ಕಾರ್ಯಕ್ರಮದಲ್ಲಿ ಪರಿಣತರು ಮಾಹಿತಿ ನೀಡುವರು. ಕಾರ್ಯಕ್ರಮವು ಮಧ್ಯಾನ್ಹ 2 ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ ನಡೆಯಲಿದೆ ಎಂದು ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ವಿಧಾನಸಭಾಧ್ಯಕ್ಷ ಹುದ್ದೆಗೇರಿದ ನಂತರ ಖಾದರ್ ರವರ ಉಡುಪಿ ಭೇಟಿ ಇದೇ ಪ್ರಥಮ.