ಡೈಲಿ ವಾರ್ತೆ:15 ಜೂನ್ 2023
ಕೋಟ:ಅಕ್ರಮ ದನ ಸಾಗಾಟ, ಆರೋಪಿಗಳು ಪರಾರಿ, ಮೂರು ದನಗಳ ರಕ್ಷಣೆ
ಕೋಟ :ಕೋಟ ಪೊಲೀಸ್ ಠಾಣಾ ವ್ಯಾಪ್ತಿಯ ಬೇಳೂರಿನಲ್ಲಿ ಅಕ್ರಮ ದನ ಸಾಗಾಟ ಮಾಡುತ್ತಿದ್ದವರ ಬಗ್ಗೆ ಮಾಹಿತಿ ಪಡೆದು ಗೋವುಗಳನ್ನು ರಕ್ಷಿಸಿದ ಘಟನೆ ನಡೆದಿದೆ.
ಕೋಟ ಪೊಲೀಸ್ ಎ ಎಸ್ಐ ಗಣೇಶ್ ಪೈ ಹಾಗೂ ಸಿಬ್ಬಂದಿಗಳೊಂದಿಗೆ ತಡರಾತ್ರಿ 2 ಗಂಟೆ ಸುಮಾರಿಗೆ ರೌಂಡ್ಸ್ ನಲ್ಲಿರುವಾಗ ಕುಂದಾಪುರ ತಾಲೂಕಿನ ಬೇಳೂರು ರಸ್ತೆಯ ದೇಲಟ್ಟು ಸಮೀಪ ಎರಡು ಬೈಕ್ ಗಳಲ್ಲಿ ಬಂದ ವ್ಯಕ್ತಿಗಳು ಪೊಲೀಸ್ ಜೀಪನ್ನು ಕಂಡ ತಕ್ಷಣ ಬೈಕ್ ತಿರುಗಿಸಿ ಕೊಂಡು ಹೋಗಿದ್ದು. ಅವರನ್ನು ಕಂಡು ಅನುಮಾನಗೊಂಡ ಪೊಲೀಸರು ಬೈಕ್ ಹಿಂಬಾಲಿಸಿಕೊಂಡು ಹೋಗಿದ್ದರು. ಅದೇ ಸಮಯ ಗೂಡ್ಸ್ ವಾಹನವನ್ನು ರಸ್ತೆ ಬದಿಗೆ ನಿಲ್ಲಿಸಿ ಆರೋಪಿಗಳು ಪರಾರಿಯಾಗಿದ್ದಾರೆ.
ವಾಹನವನ್ನು ಪರಿಶೀಲಿಸಿದಾಗ ಹಿಂಸಾತ್ಮಕವಾಗಿ ಕಾಲುಗಳನ್ನು ಕಟ್ಟಿದ ಸ್ಥಿತಿಯಲ್ಲಿ ಮೂರು ದನಗಳು ಇರುವುದು ಕಂಡು ಬಂದಿದ್ದು, ತಕ್ಷಣ ಮೂರು ದನಗಳನ್ನು ರಕ್ಷಿಸಿದ್ದು ವಾಹನವನ್ನು ವಶಕ್ಕೆ ಪಡೆಯಲಾಗಿದೆ.
ಮೇಲ್ನೋಟಕ್ಕೆ ದನ ಸಾಗಾಟಕ್ಕೆ ಸ್ಥಳೀಯರ ಸಹಕಾರ ಇರುವುದು ಕಂಡು ಬಂದಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.