ಡೈಲಿ ವಾರ್ತೆ:17 ಜುಲೈ 2023
ಕಲಾಬಾಗಿಲು: ಬುರೂಜ್ ಶಾಲಾ ಪೋಷಕರ ಸಭೆ
ಬಂಟ್ವಾಳ : ಕಲಾಬಾಗಿಲು ರಝಾನಗರದ ಬುರೂಜ್ ಶಾಲಾ 2023 -24 ನೇ ಸಾಲಿನ ಹತ್ತನೇ ತರಗತಿಯ ವಿದ್ಯಾರ್ಥಿಗಳ ಪೋಷಕ – ಶಿಕ್ಷಕರ ಸಭೆಯು ಸೋಮವಾರ ನಡೆಯಿತು.
ಶಾಲಾ ಸಂಚಾಲಕ ಶೇಕ್ ರಹಮತುಲ್ಲಾಹ್ ಮಾತನಾಡಿ ಪೋಷಕರು ತಮ್ಮ ಮಕ್ಕಳ ಭವಿಷ್ಯ ರೂಪಿಸುವ ನಿಟ್ಟಿನಲ್ಲಿ ಶಿಕ್ಷಕರೊಂದಿಗೆ ಸಹಕರಿಸಬೇಕು, ಶಾಲೆಯಿಂದ ಪೋಷಕರಿಗೆ ಮೊಬೈಲ್ ನಲ್ಲಿ ನೀಡುವ ಎಲ್ಲಾ ಸಂದೇಶಗಳಿಗೆ ಪ್ರತಿಕ್ರಿಯೆಯನ್ನು ನೀಡಬೇಕು ಮತ್ತು ಶಾಲೆಯಿಂದ ನೀಡುವ ಸಂದೇಶ ಗಳನ್ನು ವಿದ್ಯಾರ್ಥಿಗಳಿಗೆ ತಿಳಿಸುವುದು ಅಲ್ಲದೆ ವಿದ್ಯಾರ್ಥಿಗಳ ಕೈಯಲ್ಲಿ ಮೊಬೈಲ್ ಗಳನ್ನು ನೀಡಬಾರದು ಎಂದ ಅವರು ವಿದ್ಯಾರ್ಥಿಗಳ ಸಾಧನೆಯಲ್ಲಿ ಪೋಷಕರ ಪಾತ್ರದ ಬಗ್ಗೆ ಮಾಹಿತಿ ನೀಡಿದರು.
ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿಗೆ ಪೂರಕವಾಗುವಂತೆ ಶಿಕ್ಷಕಿಯರಾದ ಪವಿತ್ರ, ಚೇತನಾ, ಬದ್ರಿಯಾ ಶಾಲೆಯ ಶಿಕ್ಷಕ ಯೂಸುಫ್ ಪೋಷಕರಿಗೆ ಸಲಹೆ ಸೂಚನೆಗಳನ್ನು ನೀಡಿದರು.
ಶೇಖ್ ಜಲಾಲುದ್ದೀನ್ ಬಂಟ್ವಾಳ್ ಸ್ವಾಗತಿಸಿ, ಪವಿತ್ರ ವಂದಿಸಿದರು, ಎಲ್ಸಿ ಲಸ್ರಾದೋ ಕಾರ್ಯಕ್ರಮ ನಿರೂಪಿಸಿದರು.