ಡೈಲಿ ವಾರ್ತೆ:17 ಆಗಸ್ಟ್ 2023
ಸರಪಾಡಿ : ಶ್ರೀ ಶರಭೇಶ್ವರ ದೇವಸ್ಥಾನ ಧ್ವಜಸ್ತಂಭ (ಕೊಡಿಮರ) ಸ್ವೀಕಾರ ಹಾಗೂ ದೇವಸ್ಥಾನದ ವೆಬ್ ಸೈಟ್ ಅನಾವರಣ
ಬಂಟ್ವಾಳ : ಸರಪಾಡಿ ಶ್ರೀ ಶರಭೇಶ್ವರ ದೇವಸ್ಥಾನದ ಜೀರ್ಣೋದ್ಧಾರದ ಅಂಗವಾಗಿ ದಾರು ಶಿಲ್ಪಿಗಳಿಂದ ಧ್ವಜಸ್ತಂಭ (ಕೊಡಿಮರ) ಸ್ವೀಕಾರ ಹಾಗೂ ದೇವಸ್ಥಾನದ ವೆಬ್ ಸೈಟ್ ಅನಾವರಣ ಸಮಾರಂಭ ಆ. 20 ರಂದು ನಡೆಯಲಿದೆ.
ಸಂಜೆ 3 ಕ್ಕೆ ಮುಂಬಯಿಯ ಉದ್ಯಮಿ ಸದಾಶಿವ ಶೆಟ್ಟಿ ಕೂಳೂರು ಕನ್ಯಾನ ಅವರು ಸಮಾರಂಭ ಉದ್ಘಾಟಿಸಿ ಬ್ರಹ್ಮಕಲಶ ಸಿದ್ಧತೆಗೆ ಉಭಯ ಗ್ರಾಮಗಳ ಭಕ್ತರಿಗೆ ವೀಳ್ಯ ನೀಡಲಿದ್ದಾರೆ.
ಪುತ್ತೂರಿನ ಗ್ಯಾಸ್ ಏಜೆನ್ಸೀಸ್ ನ ಮಾಲಕ ಸಂಜೀವ ಆಳ್ವ ಪಡ್ಡಾಯಿಬೆಟ್ಟು, ಬಂಟ್ವಾಳ ತಾಲೂಕು ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷ ಸಂಜೀವ ಪೂಜಾರಿ ಗುರುಕೃಪಾ, ಉಪಾಧ್ಯಕ್ಷ ಭುವನೇಶ್ ಪಚ್ಚಿನಡ್ಕ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.
ಮಧ್ಯಾಹ್ನ 2 ಕ್ಕೆ ಅಜಿಲಮೊಗರು ಯಕ್ಷಚಿಗುರು ಕಲಾತಂಡ ಹಾಗೂ ಅತಿಥಿ ಕಲಾವಿದರ ಕೂಡುವಿಕೆಯಲ್ಲಿ ಶ್ರೀಕೃಷ್ಣ ಲೀಲೆ ಯಕ್ಷಗಾನ ಪ್ರದರ್ಶನಗೊಳ್ಳಲಿದೆ. ಆ.30 ರಂದು ಧ್ವಜಸ್ತಂಭದ ತೈಲಾಧಿವಾಸ ಕಾರ್ಯಕ್ರಮ ಜರಗಲಿದೆ ಎಂದು ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಎಂ.ಎಸ್.ಶೆಟ್ಟಿ ಸರಪಾಡಿ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.