ಡೈಲಿ ವಾರ್ತೆ: 28/Sep/2023
ಕೋಟ: ಮುಹಿಯುದ್ದೀನ್ ಜುಮಾ ಮಸೀದಿ, ಕೋಟತಟ್ಟು ಮದರಸ ಹಾಗೂ ಪಾರಂಪಳ್ಳಿ ಮದರಸ ವತಿಯಿಂದ ಅದ್ದೂರಿಯಾಗಿ ಈದ್ ಮಿಲಾದ್ ರ್‍ಯಾಲಿ
ಕೋಟ: ಬ್ರಹ್ಮಾವರ ತಾಲೂಕಿನ ಕೋಡಿ ಕನ್ಯಾಣ ಮುಹಿಯುದ್ದೀನ್ ಜುಮಾ ಮಸೀದಿ, ಕೋಟತಟ್ಟು ಹಿದಾಯತುಲ್ ಅರಬಿಕ್ ಮದರಸ ಹಾಗೂ ಪಾರಂಪಳ್ಳಿ ನೂರುಲ್ ಇಸ್ಲಾಂ ಮದರಸ ವತಿಯಿಂದ ಸೆ. 28 ರಂದು ಗುರುವಾರ ಪ್ರವಾದಿ ಮುಹಮ್ಮದ್ ಪೈಗಂಬರ್ ರವರ ಜನ್ಮ ದಿನಾಚರಣೆಯ ಈದ್ ಮಿಲಾದ್ ಸಂದೇಶ ರ್‍ಯಾಲಿಯು ಅದ್ದೂರಿಯಾಗಿ ನಡೆಯಿತು.
ಮುಹಿಯುದ್ದೀನ್ ಜುಮಾ ಮಸೀದಿಯ ಖತೀಬರಾದ ಸಿದ್ದಿಕ್ ಸಖಾಪಿಯವರ ದುವಾದೊಂದಿಗೆ ಆರಂಭಗೊಂಡು ನೂರಾರು ಮದರಸದ ಮಕ್ಕಳು ಹಾಗೂ ಹಿರಿಯ ಕಿರಿಯರು ಸೇರಿ ಕಾಲ್ನಡಿಗೆ ಹಾಗೂ ವಾಹನದೊಂದಿಗೆ 14 ಕಿಮೀ ತನಕ ಮಿಲಾದ್ ಜಾಥಾ ನಡೆಸಿದರು.
ದಾರಿ ಉದ್ದಕ್ಕೂ ಪ್ರವಾದಿಯವರ ಹೆಸರಲ್ಲಿ ತಂಪು ಪಾನಿಯಾಗಳು, ಐಸ್ ಕ್ರೀಮ್ ಗಳನ್ನು ನೀಡಿ ಸಹಕರಿಸಿದರು. ಅಲ್ಲದೆ ಹಿಂದೂ ಬಾಂಧವರು ರ್‍ಯಾಲಿ ಬಂದಂತಹ ಮುಸ್ಲಿಮರಿಗೆ ಐಸ್ ಕ್ರೀಮ್ ಹಾಗೂ ತಂಪು ಪಾನೀಯಗಳನ್ನು ನೀಡಿ ಮಾನವೀಯತೆ ಮೆರೆದರು.
ಕೋಟ ಆರಕ್ಷಕ ಠಾಣಾ ಸಿ. ಎಸ್ಐ ಸುಧಾ ಪ್ರಭು ಹಾಗೂ ಸಿಬ್ಬಂದಿಗಳು ರ್‍ಯಾಲಿಗೆ ಸಹಕರಿಸಿದರು.
ಕೋಡಿ ಕನ್ಯಾಣ ಮುಹಿಯುದ್ದೀನ್ ಜುಮಾ ಮಸೀದಿ ವಠಾರದಲ್ಲಿ ಖತಿಬರಾದ ಸಿದ್ದೀಖ್ ಸಖಾಪಿ ದುವಾ ಪ್ರವಚನಗೈದರು. ಈ ಸಂದರ್ಭದಲ್ಲಿ ಮಸೀದಿಯ ಹಾಗೂ ಮದರಸದ ಧರ್ಮಗಳು, ಮಸೀದಿಯ ಅಧ್ಯಕ್ಷರು ಹಾಗೂ ಮದರಸದ ಅಧ್ಯಕ್ಷರು ಮತ್ತು ಜಮಾತ್ ಬಾಂಧವರು ಉಪಸ್ಥಿತರಿದ್ದರು.
ಅನ್ನದಾನ ಕಾರ್ಯಕ್ರಮ ನಡೆಯಿತು.