ಕಾಟಿಪಳ್ಳದಲ್ಲಿ ಸಂಭ್ರಮದ ಈದ್ ಮಿಲಾದ್

ಡೈಲಿ ವಾರ್ತೆ:28 ಸೆಪ್ಟೆಂಬರ್ 2023

ಕಾಟಿಪಳ್ಳದಲ್ಲಿ ಸಂಭ್ರಮದ ಈದ್ ಮಿಲಾದ್

ಕಾಟಿಪಳ್ಳ: ಇಲ್ಲಿನ ಪಣಂಬೂರ್ ಮುಸ್ಲಿಂ ಜಮಾಅತ್ – ಮುಹಿಯುದ್ದೀನ್ ಜುಮ್ಮ ಮಸ್ಜಿದ್ ನ ಆಶ್ರಯದಲ್ಲಿ ಪ್ರವಾದಿ ಮುಹಮ್ಮದ್ (ಸ.ಅ.ಸ.) ರವರ ಜನ್ಮದಿನಾಚರಣೆ ಮೀಲಾದನ್ನು ಗುರುವಾರ ತಾ.28.09.2023 ರಂದು ಅತ್ಯಂತ ಸಡಗರ ಸಂಭ್ರಮದಿಂದ ಆಚರಿಸಲಾಯಿತು.

ಜಮಾಅತ್ ಅಧ್ಯಕ್ಷ ಎಸ್. ರಹ್ಮತುಲ್ಲಾ ಹಾಗೂ ಕಮಿಟಿ ಭಾರವಾಹಿಗಳ ನೇತ್ರತ್ವದಲ್ಲಿ ಜಮಾಅತ್ ನ ಹಿರಿಯ ಕಿರಿಯ ಭಕ್ತಾದಿಗಳು ಸೇರಿದ್ದರು.

ಮಸೀದಿ ಮತ್ತು ಸುತ್ತಮುತ್ತಲಿನ ಪ್ರದೇಶವನ್ನು ಶ್ರಂಗರಿಸಿ, ಬೆಳಗ್ಗೆ ವಿದ್ಯಾರ್ಥಿಗಳಗೊಂಡು ಊರವರೆಲ್ಲರೂ ಪ್ರವಾದಿ ಮದ್ಹ್ ಗೀತೆಗಳನ್ನು ಹಾಡುತ್ತಾ, ದಫ್ ಮುಟ್ಟುತ್ತಾ ಸೌಹಾರ್ದ ಸಂದೇಶದೊಂದಿಗೆ ಕಾಟಿಪಳ್ಳದ ಮುಖ್ಯ ರಸ್ತೆಗಳಲ್ಲಿ ಬ್ರಹತ್ ಜಾಥಾ ವನ್ನು ನಡೆಸಲಾಯ್ತು.
ಸಿಹಿತಿಂಡಿ – ಪಾನೀಯಗಳನ್ನು ನಬಿದಿನದ ಮೆರವಣಿಗೆಯುದ್ದಕ್ಕೂ ಊರವರು ನೀಡಿದರು.

ಧರ್ಮಗುರು ಖತೀಬರಾದ ನಾಸಿರ್ ಮದನಿಯವರು ಮೀಲಾದ್ ಸಂದೇಶ ನೀಡಿದರು.
ಮಸೀದಿಯಲ್ಲಿ ಮೌಲಿದ್ ಪಾರಾಯಣದ ನಂತರ ಊರವರೆಲ್ಲರಿಗೂ ಅನ್ನಸಂತರ್ಪಣೆ ನಡೆಯಿತು.