ಡೈಲಿ ವಾರ್ತೆ: 01/OCT/2023
ಕುಂದಾಪುರ: ಹಳೆಯ ದ್ವೇಷಕ್ಕೆ ವ್ಯಕ್ತಿಗೆ ಚೂರಿ ಇರಿದು ಪರಾರಿ – ಪೊಲೀಸರಿಂದ ಆರೋಪಿಗಾಗಿ ಕಾರ್ಯಚರಣೆ
ಕುಂದಾಪುರ: ಕುಂದಾಪುರ ಪುರಸಭೆ ವ್ಯಾಪ್ತಿಯ ಖಾರ್ವಿಕೇರಿ ನಿವಾಸಿ ಬನ್ಸ್ ರಾಘು ಎಂಬುವರಿಗೆ ಹಳೆಯ ದ್ವೇಷಕ್ಕಾಗಿ ಚೂರಿ ಇರಿದು ಪರಾರಿಯಾದ ಘಟನೆ ಭಾನುವಾರ ರಾತ್ರಿ 8 ಗಂಟೆಯ ವೇಳೆ ನಡೆದಿದೆ.
ಆರೋಪಿಯ ಇರಿತಕ್ಕೊಳಗಾದ ರಾಘವೇಂದ್ರ ಗಂಭೀರ ಗಾಯಗೊಂಡಿದ್ದು, ಮಣಿಪಾಲ ಆಸ್ಪತ್ರೆಗೆ ಸಾಗಿಸಲಾಗಿದೆ.
ಕುಂದಾಪುರದ ಹೃದಯ ಭಾಗದ ಚಿಕ್ಕನ್ ಸಾಲ್ ರಸ್ತೆಯ ಅಂಚೆ ಕಚೇರಿ ಸಮೀಪ ಇರುವ ನ್ಯೂ ಡೆಲ್ಲಿ ಬಜಾರ್ ಅಂಗಡಿಯೆದುರು ಸ್ವಲ್ಪ ಹೊತ್ತು ಪರಸ್ಪರ ಜಗಳವಾಡಿದ್ದಾರೆ ಎನ್ನಲಾಗುತ್ತಿದೆ,
ಭಾನುವಾರ ಆದ ಕಾರಣ ನ್ಯೂ ಡೆಲ್ಲಿ ಬಜಾರ್ ಸ್ವಲ್ಪ ಬೇಗನೆ ಅಂಗಡಿಯ ಬಾಗಿಲು ಹಾಕುತ್ತಿದ್ದು ಅಂಗಡಿ ಅರ್ಧಂಬರ್ಧ ಓಪನ್ ಇದೆಯೆಂದು ಹೇಳಲಾಗುತ್ತಿದೆ, ಬನ್ಸ್ ರಾಘು ಹಾಗೂ ಆರೋಪಿ ಸ್ವಲ್ಪ ಹೊತ್ತು ಅಂಗಡಿಯ ಎದುರು ಜಗಳ ಮಾಡಿಕೊಂಡಿದ್ದಾರೆ ಆರೋಪಿ
ಚೂರಿಯಿಂದ ಇರಿದು ರಾಘವೇಂದ್ರ ಅವರ ತೊಡೆಗೆ ಹಾಕಿ ಕಾರಿನಲ್ಲಿ ಪರಾರಿಯಾಗಿದ್ದಾನೆಂದು ತಿಳಿದು ಬಂದಿದೆ.
ಘಟನಾ ಸ್ಥಳಕ್ಕೆ ಕುಂದಾಪುರ ಡಿವೈಎಸ್ಪಿ ಬೆಳ್ಳಿಯಪ್ಪ, ವೃತ್ತ ನಿರೀಕ್ಷಕ ನಂದಕುಮಾರ್, ಎಸೈ ವಿನಯ್ ಕೊರ್ಲಹಳ್ಳಿ ಹಾಗೂ ಸಿಬ್ಬಂದಿಗಳು ಆಗಮಿಸಿ ಪರಿಶೀಲನೆ ಮಾಡಿ ಮುಂದಿನ ತನಿಖೆ ಚುರುಕುಗೊಳಿಸಿದ್ದಾರೆ .