ಡೈಲಿ ವಾರ್ತೆ: 27/NOV/2023
ವರದಿ: ವಿದ್ಯಾಧರ ಮೊರಬಾ
5 ವರ್ಷದ ಮಗನೊಂದಿಗೆ ಮಹಿಳೆ ನಾಪತ್ತೆ : ಪ್ರಕರಣ ದಾಖಲು !
ಅಂಕೋಲಾ : ಪಟ್ಟಣದ ಲಕ್ಷ್ಮೇಶ್ವರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ ಗ್ರಹಿಣಿಯೊಬ್ಬಳು ಮಗನೊಂದಿಗೆ ನಾಪತ್ತೆಯಾಗಿರುವ ಘಟನೆ ಕುರಿತು ಅಂಕೋಲಾ ಇಲ್ಲಿಯ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ತಾಲೂಕಿನ ಬೊಬ್ರುವಾಡ ಮೂಲದ (ಉರ್ದು ಶಾಲೆ ಹಿಂದೆ) ಹಾಲಿ ಲಕ್ಷ್ಮೇಶ್ವರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ ಸೈಯದ್ ಗಜಲಾ ಗಂಡ ಸ್ಥೆಯದ್ ಮಹ್ಮದ್ ಇಬ್ಬಾಲ ಪೀರಜಾದೆ (43) ಕಾಣೆಯಾದ ಮಹಿಳೆ.
ಇವರು ನ.22ರ ಬೆಳಿಗ್ಗೆ 10 ಗಂಟೆ ಸುಮಾರಿಗೆ ತನ್ನ ಮಗ ಸಯ್ಯದ ಆರಿಜ್ (ಅಂದಾಜು 5 ವರ್ಷ) ಇವನನ್ನು ಕರೆದುಕೊಂಡು ಮನೆಯಿಂದ ಎಲ್ಲಿಗೋ ಹೋದವಳು ಇದುವರೆಗೂ ಮನೆಗೆ ಬಾರದೇ ಎಲ್ಲಿಯೋ ಹೋಗಿ ಕಾಣೆಯಾಗಿರುತ್ತಾಳೆ. ಇವರನ್ನು ಪತ್ತೆ ಮಾಡಿಕೊಡಬೇಕೆಂದು ಪತಿ ಸೈಯದ್ ಮಹ್ಮದ್ ಇಖ್ಬಾಲ್ ತಂದೆ ಸಯ್ಯದ್ ಫತ್ತುಲ್ಲಾ ಪೀರಜಾದೆ ಪೊಲೀಸ ದೂರು ನೀಡಿದ್ದಾರೆ.
ಅಂದಾಜು 5 ಪೂಟ್ ಎತ್ತರ, ಗೋದಿ ಮೈಬಣ್ಣ ಗೋಲು ಮುಖ, ಸದ್ರಢ ಮೈಕಟ್ಟು, ಹಿಂದಿ, ಉರ್ದು ಭಾಷೆ ಅರಿತಿರುವ ಇವಳು ಮನೆಯಿಂದ ಹೋಗುವಾಗಿ ಗುಲಾಬಿ ಬಣ್ಣದ ಚೂಡಿದಾರ, ಕೆಂಪು ಬಣ್ಣದ ಪ್ಯಾಂಟ್, ಕೆಂಪು ಬಣ್ಣದ ವೇಲ್ ಧರಿಸಿರುತ್ತಾಳೆ. ಈ ಮೇಲಿನ ಚಹರೆಯುಳ್ಳ ಸೈಯದ್ ಗಜಾಲಾ ಇವಳು ಎಲ್ಲಿಯಾದರೂ ಕಂಡು ಬಂದಲ್ಲಿ ಅಥವಾ ಈ ಕುರಿತು ಏನಾದರೂ ಮಾಹಿತಿ ಇದ್ದಲ್ಲಿ ಅಂಕೋಲಾ ಪೊಲೀಸ್ ಠಾಣೆ (9480805250/9480805268) ಇಲ್ಲವೇ ತಮ್ಮ ಹತ್ತಿರದ ಪೊಲೀಸ ಠಾಣೆಗೆ ತಿಳಿಸ ಲು ಅಂಕೋಲಾ ಪೊಲೀಸರು ಪ್ರಕಟಣೆಯಲ್ಲಿ ತಿಳಿಸಿದರು.