ಡೈಲಿ ವಾರ್ತೆ: 08/Jan/2024
ಪಿಲಾತಬೆಟ್ಟು ಸಹಕಾರಿ ಸಂಘದ ಚುನಾವಣೆ, 13 ರಲ್ಲಿ 12 ಮಂದಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಜಯಭೇರಿ.
ಬಂಟ್ವಾಳ : ಪಿಲಾತಬೆಟ್ಟು ಸಹಕಾರಿ ಸಂಘದ ಚುನಾವಣೆಯಲ್ಲಿ 13 ಸ್ಥಾನಗಳ ಪೈಕಿ 12 ಮಂದಿ ಬಿಜೆಪಿ ಬೆಂಬಲಿತ ಸಹಕಾರ ಭಾರತಿ ಸದಸ್ಯರು ವಿಜೇತರಾಗಿದ್ದಾರೆ.
ಭಾನುವಾರ ಬೆಳಿಗ್ಗೆ ಸಂಘದ ಕಛೇರಿಯಲ್ಲಿ ಚುನಾವಣಾ ಪ್ರಕ್ರಿಯೆ ನಡೆದು ಸಂಜೆ ಮತ ಎಣಿಕೆ ನಡೆಯಿತು. ಒಟ್ಟು 13 ಮಂದಿ ಸಹಕಾರ ಭಾರತಿ ಸದಸ್ಯರು ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿದ್ದರು. ಅದರಲ್ಲಿ ಒಂದು ಸ್ಥಾನವನ್ನು ಕಳೆದುಕೊಂಡು ಉಳಿದಂತೆ ಎಲ್ಲಾ ಸ್ಥಾನವನ್ನು ಬಿಜೆಪಿ ಬೆಂಬಲದ ಸಹಕಾರ ಭಾರತಿ ಸದಸ್ಯರು ವಿಜಯಸಾಧಿಸಿದ್ದಾರೆ.
ಚಂದ್ರಶೇಖರ್ ಶೆಟ್ಟಿ, ಯಂ. ತುಂಗಪ್ಪ ಬಂಗೇರ, ರವಿಶಂಕರ್ ಹೊಳ್ಳ, ನಾರಾಯಣ ಪೂಜಾರಿ,
ಲಕ್ಷ್ಮೀನಾರಾಯಣ ಹೆಗ್ಡೆ,
ಶಿವಯ್ಯ ಪರವ, ಸುಂದರ ನಾಯ್ಕ, ಪ್ರಭಾಕರ ಪಿ.ಯಂ, ಶುಭಕರ ಶೆಟ್ಟಿ,
ಸರೋಜಿನಿ ಡಿ. ಶೆಟ್ಟಿ, ಹರ್ಷಿಣಿ, ಪುಷ್ಪಾನಂದ, ಶಶಿಧರ ನಾಯ್ಕ ಅವರು ವಿಜೇತ ಸಹಕಾರ ಭಾರತಿ ಸದಸ್ಯರು ಹಾಗೂ ಉಳಿದಂತೆ ಡಾ| ರಾಮಕೃಷ್ಣ ಅವರು ವಿಜಯ ಸಾಧಿಸಿದ್ದಾರೆ.