ಡೈಲಿ ವಾರ್ತೆ: 26/NOV/2024
ಮಲ್ಪೆ ಮೀನುಗಾರಿಕಾ ಬಂದರಿನಲ್ಲಿ ಕೆಲಸ ಮಾಡುತ್ತಿದ್ದ ಕೊಪ್ಪಳದ ಯುವಕ ನಾಪತ್ತೆ –
ಪತ್ತೆಗೆ ಸಹಕರಿಸಲು ಆಪತ್ಭಾಂಧವ ಈಶ್ವರ್ ಮಲ್ಪೆ ಮತ್ತು ತಂಡದ ಮನವಿ
ಉಡುಪಿ: ಮಲ್ಪೆ ಮೀನುಗಾರಿಕಾ ಬಂದರಿನಲ್ಲಿ ಬೋಟಿನ ಮೀನು ಖಾಲಿ ಮಾಡುವ ಕೆಲಸವನ್ನು ಮಾಡುತ್ತಿದ್ದ ಕೊಪ್ಪಳ ಜಿಲ್ಲೆಯ ವನಬಳ್ಳಾರಿಯ ದ್ಯಾಮಮ್ಮ ದೇವಸ್ಥಾನ ಸಮೀಪದ ದುರುಗಪ್ಪ ಕುರಿ ಎಂಬವರ ಮಗನಾದ ಕನಕಪ್ಪ (21) ಎಂಬ ಯುವಕ ತನ್ನ ಊರಿಗೆ ತೆರಳುವುದಾಗಿ ತಿಳಿಸಿ ಮಲ್ಪೆಯಿಂದ ಹೊರಟಿದ್ದು ನಾಪತ್ತೆಯಾಗಿದ್ದಾನೆ.
ಈತನು ಕಳೆದ ನಾಲ್ಕು ದಿನದ ಹಿಂದೆ ಕೊಪ್ಪಳಕ್ಕೆ ಹೋಗುವುದಾಗಿ ತಿಳಿಸಿ ಮಲ್ಪೆಯಿಂದ ಹೊರಟು ಹೋಗಿದ್ದು, ಅತ್ತ ಕೊಪ್ಪಳದಲ್ಲಿರುವ ಮನೆಗೂ ಹೋಗದೆ, ಇತ್ತ ವಾಪಾಸು ಮಲ್ಪೆಗೂ ಬಾರದೆ ಯಾರ ಸಂಪರ್ಕಕ್ಕೂ ಸಿಗದೆ ನಾಪತ್ತೆಯಾಗಿದ್ದಾನೆ. ಈ ನಡುವೆ ಈತನ ಮೊಬೈಲ್ ಕೂಡ ರಿಂಗಣಿಸದೆ ಇರುವುದು ಗೆಳೆಯರು ಮತ್ತು ಮನೆಯವರನ್ನು ಗಾಬರಿಗೊಳಿಸಿದೆ.
ಈ ಯುವಕನನ್ನು ಯಾರಾದರೂ ಕಂಡಲ್ಲಿ ಅಥವಾ ಈತನ ಬಗ್ಗೆ ಮಾಹಿತಿ ಇದ್ದಲ್ಲಿ ತಕ್ಷಣ ಈಶ್ವರ್ ಮಲ್ಪೆ 9663434415 ಅಥವಾ 9947733787 ಅಥವಾ ಸ್ಥಳೀಯ ಪೋಲೀಸ್ ಠಾಣೆಗೆ ಮಾಹಿತಿ ನೀಡಬೇಕಾಗಿ ಆಪತ್ಭಾಂಧವ ಈಶ್ವರ್ ಮಲ್ಪೆ ಮತ್ತು ತಂಡದ ಮೂಲಕ ತಮ್ಮಲ್ಲಿ ವಿನಂತಿಯನ್ನು ಮಾಡುತ್ತಿದ್ದೇವೆ.