ಡೈಲಿ ವಾರ್ತೆ: 29/NOV/2024
ಕುಂದಾಪುರದಲ್ಲಿ ರೈನ್ ಬೋ ಎಕ್ಸಿಬಿಷನ್ ಹಾಗೂ ಮತ್ಸ್ಯಕನ್ಯೆಯರ ಟನಲ್ ಶಾಸಕ ಕಿರಣ್ ಕುಮಾರ್ ಕೊಡ್ಗಿ ಅವರಿಂದ ಉದ್ಘಾಟನೆ
ಕುಂದಾಪುರ: ರೈನ್ ಬೋ ಎಕ್ಸಿಬಿಷನ್ ಇವರಿಂದ ಅಂಡರ್ ವಾಟರ್ ಅಕ್ವೇರಿಯಂ ಫಿಶ್ ಟನಲ್ ಮತ್ತು ಮರ್ ಮೆಡ್ (ಮತ್ಸ್ಯಕನ್ಯೆಯರು) ಟನಲ್ ನ. 29 ರಂದು ಶುಕ್ರವಾರ ಸಂಜೆ ಕುಂದಾಪುರದ ಕೋಟೇಶ್ವರ ಸರ್ಜನ್ ಆಸ್ಪತ್ರೆ ಬಳಿ ಉದ್ಘಾಟನೆಗೊಂಡಿತು.
ರೈನ್ ಬೋ ಎಕ್ಸಿಬಿಷನ್ ಉದ್ಘಾಟನೆಯನ್ನು ಕುಂದಾಪುರ ಶಾಸಕರಾದ ಕಿರಣ್ ಕುಮಾರ್ ಕೊಡ್ಗಿ ಉದ್ಘಾಟಿಸಿದರು.
ಅವರು ಮಾತನಾಡಿ ಕರ್ನಾಟಕದಲ್ಲಿ ಪ್ರಪ್ರಥಮ ಬಾರಿಗೆ ಮತ್ಸ್ಯಕನ್ಯೆಯರ ಪ್ರದರ್ಶನವು ಕುಂದಾಪುರದಲ್ಲಿ ನಡೆಯುತ್ತಿರುವುದು ನಮಗೆ ಸಂತಸದ ವಿಷೆಯವಾಗಿದೆ.
45 ದಿನಗಳ ಕಾಲ ನಡೆಯುವ ಇವರ ಪ್ರದರ್ಶನವು ಯಶಸ್ವಿಯಾಗಲಿ ಎಂದು ಹಾರೈಸಿದರು.
ಮತ್ಸ್ಯಕನ್ಯೆ ಟನಲ್ ನ್ನು ಕೋಟೇಶ್ವರ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಶ್ರೀಮತಿ ರಾಗಿಣಿ ದೇವಾಡಿಗ ಉದ್ಘಾಟಿಸಿ ಶುಭ ಹಾರೈಸಿದರು.
ಈ ಸಂದರ್ಭದಲ್ಲಿ ಶಾಸಕ ಕಿರಣ್ ಕುಮಾರ್ ಕೊಡ್ಗಿ ಅವರನ್ನು ರೈನ್ ಬೋ ಎಕ್ಸಿಬಿಷನ್ ಮುಖ್ಯಸ್ಥರಾದ ವಿಜಯ್ ವಿಲ್ಸನ್ ಅವರು ಸನ್ಮಾನಿಸಿ ಗೌರವಿಸಿದರು.
ಕಾರ್ಯಕ್ರಮದಲ್ಲಿ ಪಂಚಾಯತ್ ಸದಸ್ಯ ಲೋಕೇಶ್, ಸ್ಥಳಾವಕಾಶ ನೀಡಿದ ಶ್ರೀಪತಿ ಹೆಬ್ಬಾರ್, ಸ್ಥಳೀಯರಾದ ರಾಮಣ್ಣ ಶೆಟ್ಟಿ, ಹಂಝ ಬ್ಯಾರಿ ಕೋಟೇಶ್ವರ ಹಾಗೂ ಊರ ಪ್ರಮುಖರು, ಮೊದಲದವರು ಉಪಸ್ಥಿತರಿದ್ದರು.