ಡೈಲಿ ವಾರ್ತೆ:07/DEC/2024
ಸ್ಕೂಟರ್ ಗೆ ಕ್ರೇನ್ ಡಿಕ್ಕಿ: ವಿದ್ಯಾರ್ಥಿನಿ ಮೃತ್ಯು
ಮಲಪ್ಪುರಂ: ಸ್ಕೂಟರ್ ಗೆ ಕ್ರೇನ್ ಡಿಕ್ಕಿ ಹೊಡೆದು ವಿದ್ಯಾರ್ಥಿನಿಯೋರ್ವರು ಮೃತಪಟ್ಟಿರುವ ಘಟನೆ ಮಲಪ್ಪುರಂ ಪೆರಿಂತಲ್ಮನ್ನಾದಲ್ಲಿ ಡಿ. 6ರಂದು ಶುಕ್ರವಾರ ನಡೆದಿದೆ.
ಮೃತ ವಿದ್ಯಾರ್ಥಿನಿ ಮಲಪ್ಪುರಂನ ಪೂಕೂಟೂರು ನಿವಾಸಿ ನೇಹಾ (21) ಎಂದು ಗುರುತಿಸಲಾಗಿದೆ.
ನೇಹಾ ಸ್ಕೂಟರ್ ನಲ್ಲಿ ಸಹ ಸವಾರೆಯಾಗಿ ಹೋಗುತ್ತಿದ್ದ ಸಂದರ್ಭ ಸವಾರ ಡಿವೈಡರ್ ಬಳಿ ಸ್ಕೂಟರ್ ಅನ್ನು ಬಲಕ್ಕೆ ತಿರುಗಿಸುತ್ತಿದ್ದಾಗ ಹಿಂದಿನಿಂದ ಬಂದ ಕ್ರೇನ್ ಸ್ಕೂಟರ್‌ಗೆ ಡಿಕ್ಕಿ ಹೊಡೆದಿರುತ್ತದೆ.
ಡಿಕ್ಕಿ ಹೊಡೆದ ಪರಿಣಾಮ ನೇಹಾ ರಸ್ತೆಗೆ ಬಿದ್ದಿದ್ದಾರೆ. ಇದರೊಂದಿಗೆ ಕ್ರೇನ್‌ನ ಹಿಂಬದಿಯ ಚಕ್ರವೂ ನೇಹಾ ದೇಹಕ್ಕೆ ತಗುಲಿದೆ.
ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡ ನೇಹಾ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅವರು ಮೃತಪಟ್ಟಿರುವುದಾಗಿ ತಿಳಿದು ಬಂದಿದೆ.