ಡೈಲಿ ವಾರ್ತೆ:JAN/24/2026
ಬಂಟ್ವಾಳದ ಉದ್ಯಮಿ ಅಬ್ದುಲ್ ವಹಾಬ್ ಬಿ.ಎಚ್.ಬಿ. ಹೃದಯಾಘಾತದಿಂದ ನಿಧನ
ಬಂಟ್ವಾಳ : ಇಲ್ಲಿನ ಕೆಳಗಿನ ಪೇಟೆ ನಿವಾಸಿ, ಹಿರಿಯ ಉದ್ಯಮಿ ಅಬ್ದುಲ್ ವಹಾಬ್ ಬಿ.ಎಚ್.ಬಿ. (65) ಅವರು ಹೃದಯಾಘಾತದಿಂದ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಶುಕ್ರವಾರ ರಾತ್ರಿ ನಿಧನರಾದರು.
ಮೃತರು ಮಂಗಳೂರು ಸಂಚಾರಿ ಪೊಲೀಸ್ ನಿರೀಕ್ಷಕ ಅಮಾನುಲ್ಲಾ ಅವರ ಸಹೋದರರಾಗಿದ್ದು, ಸಮಾಜದಲ್ಲಿ ಶಾಂತಸ್ವಭಾವ ಹಾಗೂ ಗೌರವಾನ್ವಿತ ವ್ಯಕ್ತಿಯಾಗಿ ಪರಿಚಿತರಾಗಿದ್ದರು.
ಅಬ್ದುಲ್ ವಹಾಬ್ ಅವರು ಪತ್ನಿ, ಇಬ್ಬರು ಪುತ್ರರು, ಇಬ್ಬರು ಪುತ್ರಿಯರು ಹಾಗೂ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಅವರ ನಿಧನಕ್ಕೆ ಬಂಟ್ವಾಳ ಸೇರಿದಂತೆ ಸುತ್ತಮುತ್ತಲ ಪ್ರದೇಶದಲ್ಲಿ ತೀವ್ರ ಸಂತಾಪ ವ್ಯಕ್ತವಾಗಿದೆ.