ಡೈಲಿ ವಾರ್ತೆ:02 ಮೇ 2023
ಸಾಲಿಗ್ರಾಮ ಯುವತಿಯ ಅಪಹರಣಕ್ಕೆ ವಿಫಲ ಯತ್ನ – ಆರೋಪಿಗಳು ಪರಾರಿ!
ಕೋಟ: ಬ್ರಹ್ಮಾವರ ತಾಲೂಕು ಸಾಲಿಗ್ರಾಮ ಪಟ್ಟಣ ಪಂಚಾಯತ್ ವ್ಯಾಪ್ತಿಯ ಗೆಂಡೆಗೆರೆಯಲ್ಲಿ ಯುವತಿಯೋರ್ವಳ ಅಪಹರಣಕ್ಕೆ ಯತ್ನಿಸಿದ ಘಟನೆ ಮಂಗಳವಾರ ಬೆಳಿಗ್ಗೆ ನಡೆದಿದೆ.
ಯುವತಿಯು ತನ್ನ ಮನೆಯಿಂದ ಕೆಲಸದ ನಿಮಿತ ನಡೆದುಕೊಂಡು ಹೋಗುವಾಗ ಕಾರಿನಲ್ಲಿ ಬಂದ ಇಬ್ಬರು ವ್ಯಕ್ತಿಗಳು ಆಕೆಯನ್ನು ಬಲವಂತವಾಗಿ ಕೈ ಕಾಲುನ್ನು ಗಟ್ಟಿ ಹಿಡಿದು ಕಾರಿಗೆ ತುಂಬುಲು ಯತ್ನಿಸಿದರು. ಹಠಾತ್ತನೆ ನಡೆದ ಈ ದಾಳಿಯಿಂದ ಯುವತಿ ಕಂಗಲಾದರೂ ತಕ್ಷಣ ಸಾವರಿಸಿಕೊಂಡು ಬೊಬ್ಬೆ ಹೊಡೆದಳು. ಅಕ್ಕ ಪಕ್ಕದವರು ಓಡಿ ಬಂದಾಗ ಯುವತಿಯನ್ನು ಅಲ್ಲೇ ಬಿಟ್ಟು ಆರೋಪಿಗಳು ಪರಾರಿಯಾಗಿದ್ದಾರೆ ಎಂದು ತಿಳಿದು ಬಂದಿದೆ.
ಆರೋಪಿಗಳು ಬಂದ ಕಾರು ನಂಬರ್ ದೊರೆತಿದ್ದು, ಕಾರು ಎರಡು ದಿನದಿಂದ ಈ ಪರಿಸರದಲ್ಲಿ ಸುತ್ತುತ್ತಿರುವುದನ್ನು ಸ್ಥಳೀಯರು ನೋಡಿರುವುದಾಗಿ ತಿಳಿದು ಬಂದಿದೆ. ಇಷ್ಟಾದರೂ ಇದುವರೆಗೂ ಘಟನೆಯ ಬಗ್ಗೆ ಯಾರೂ ದೂರು ಸಲ್ಲಿಸಿಲ್ಲ! ಸುದ್ದಿ ತಿಳಿದ ಕೋಟ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.