ಡೈಲಿ ವಾರ್ತೆ: 16 ಜೂನ್ 2023
ದಕ್ಷಿಣ ಕನ್ನಡ:ಶಾಪಿಂಗ್ ಗೆಂದು ಮನೆಯಿಂದ ಹೋದ ಯುವತಿ ನಾಪತ್ತೆ
ಮಂಗಳೂರು: ಯುವತಿಯೋರ್ವಳು ನಾಪತ್ತೆಯಾಗಿರುವ ಬಗ್ಗೆ ಸುರತ್ಕಲ್ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.
ಸುರತ್ಕಲ್ ಮಿತ್ರಪಟ್ನ ಮುಕ್ಕದ ನಿವಾಸಿ ಸಂತೋಷ ಮತ್ತು ರೇಖಾ ಅವರ ಪುತ್ರಿ ಸ್ಪೂರ್ತಿ(17) ನಾಪತ್ತೆಯಾದ ಯುವತಿ.
ಇವರು ಶಾಪಿಂಗ್ ಗೆಂದು ಮನೆಯಿಂದ ಹೋದವರು ಮಧ್ಯಾಹ್ನ 3 ಗಂಟೆಗೆ ಬರಬೇಕಿತ್ತು. ಆದರೆ ರಾತ್ರಿ 8 ಗಂಟೆವರೆಗೂ ಮನೆಗೆ ಬಂದಿಲ್ಲ.
ಈ ಹಿನ್ನೆಲೆ ಮನೆ ಮಂದಿ ಗಾಬರಿಗೊಂಡು ಸ್ಪೂರ್ತಿ ಬಗ್ಗೆ ಅವರ ಗೆಳೆಯರಲ್ಲಿ ವಿಚಾರಿಸಿದ್ದಾರೆ.
ಆದರೆ ಸ್ಪೂರ್ತಿ ಬಗ್ಗೆ ಮಾಹಿತಿ ಇಲ್ಲ ಎಂದಿದ್ದಾರೆ. ಈ ಹಿನ್ನೆಲೆ ಹಲವೆಡೆ ಹುಡುಕಾಟ ನಡೆಸಿ ಕುಟುಂಬಸ್ಥರು ಪೊಲೀಸರಲ್ಲಿ ಪತ್ತೆಗಾಗಿ ಮನವಿ ಮಾಡಿದ್ದಾರೆ.
ಸ್ಪೂರ್ತಿ ಬಗ್ಗೆ ಮಾಹಿತಿ ಸಿಕ್ಕಲ್ಲಿ ಸುರತ್ಕಲ್ ಪೊಲೀಸರನ್ನು ಸಂಪರ್ಕಿಸುವಂತೆ ಪ್ರಕಟಣೆ ಹೊರಡಿಸಲಾಗಿದೆ.