ಡೈಲಿ ವಾರ್ತೆ:15 ಆಗಸ್ಟ್ 2023
ರಝಾನಗರ : ಬುರೂಜ್ ಶಾಲೆಯಲ್ಲಿ ಸ್ವಾತಂತ್ರೋತ್ಸವ ಸಂಭ್ರಮ
ಬಂಟ್ವಾಳ : ಮೂಡುಪಡುಕೋಡಿ ಗ್ರಾಮ ರಝಾನಗರದ ಬುರೂಜ್ ಇಂಗ್ಲೀಷ್ ಮೀಡಿಯಂ ಹೈಸ್ಕೂಲ್ ನಲ್ಲಿ 77 ನೇ ಸ್ವಾತಂತ್ರೋತ್ಸವ ಸಂಭ್ರಮವನ್ನು ಆಚರಿಸಲಾಯಿತು.
ದೇವಪ್ಪ ಶೆಟ್ಟಿ ಕುಂಟೆಜಾಲ್ ಧ್ವಜಾರೋಹಣಗೈದರು. ಧ್ವಜ ವಂದನೆಯನ್ನು ಇರ್ವತ್ತೂರು ಪದವು ಗ್ರಾಮ ಪಂಚಾಯತ್ ಸದಸ್ಯೆ , ನ್ಯಾಯವಾದಿ ಕುಮಾರಿ ಸುಚಿತ್ರಾ ಶೆಟ್ಟಿ ನೇರವೇರಿಸಿದರು.
ಶಾಲಾ ಸಂಚಾಲಕ ಶೇಖ್ ರಹ್ಮತ್ತುಲ್ಲಾ ಅಧ್ಯಕ್ಷತೆ ವಹಿಸಿದ್ದರು.
ಶಿಕ್ಷಕ -ರಕ್ಷಕ ಸಂಘದ ಅಧ್ಯಕ್ಷ ಅಬ್ದುಲ್ ಅಝೀಝ್, ಇರ್ವತ್ತೂರು ಗ್ರಾಮ ಪಂಚಾಯತ್ ಸದಸ್ಯ ಪ್ರಶಾಂತ್ ಜೈನ್ , ಸುಧೀಂದ್ರ ಶೆಟ್ಟಿ , ವಿಜಯ, ಇರ್ವತ್ತೂರು ಜುಮಾ ಮಸೀದಿ ಅಧ್ಯಕ್ಷ ಎಸ್.ಪಿ. ಮೊಹಮ್ಮದ್ ರಫೀಕ್, ಸದಸ್ಯರಾದ ಎಸ್.ಪಿ. ಮೊಹಮ್ಮದ್ ಸಲೀಂ, ಮೊಹಮ್ಮದ್ ಝಹೀರ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು.
ಶಾಲಾ ಮುಖ್ಯ ಶಿಕ್ಷಕಿ ಜಯಶ್ರೀ ಬಿ.ಸಾಲ್ಯಾನ್, ವಿಮಲಾ , ಶಾಲಾ ನಾಯಕ ಮೊಹಮ್ಮದ್ ನಹೀಂ, ಉಪನಾಯಕ ಅನ್ವಿತ್ ಮೊದಲಾದವರು ಉಪಸ್ಥಿತರಿದ್ದರು.
ವಿದ್ಯಾರ್ಥಿಗಳಿಂದ ಇರ್ವತ್ತೂರು ಪದವಿನಿಂದ ಶಾಲಾ ಆವರಣ ಮೆರವಣಿಗೆ ನಡೆಯಿತು. ಶಾಲಾ ನಿವೃತ್ತ ಶಿಕ್ಷಕಿ ಶಾಲಿನಿ ದಿನೇಶ್ ಮೂಲ್ಯ ಅವರನ್ನು ಶಾಲಾಡಳಿತ ಮಂಡಳಿ ಪರವಾಗಿ ಸನ್ಮಾನಿಸಲಾಯಿತು.
ಕರಾಟೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿ ಪತ್ರ ಹಾಗೂ ಬಹುಮಾನಗಳನ್ನು ನೀಡಲಾಯಿತು.
ಕುಮಾರಿ ತನ್ವಿ ಸ್ವಾಗತಿಸಿ, ವಂದಿಸಿದರು. ಕುಮಾರಿ ಮಲೀಹಾ ಕಾರ್ಯಕ್ರಮ ನಿರೂಪಿಸಿದರು