ಡೈಲಿ ವಾರ್ತೆ: 28/Sep/2023
ಬೈಂದೂರು: ಸಂತಸ ಸಂಭ್ರಮದ ಈದ್ ಮಿಲಾದ್ ಆಚರಣೆ
ಬೈಂದೂರು: ಬೈಂದೂರು ಜಾಮೀಯ ಮಸೀದಿ ವತಿಯಿಂದ ಶಾಂತಿ ಸೌಹಾರ್ದತೆಯಿಂದ ಈದ್ ಮಿಲಾದ್ ಆಚರಿಸಲಾಯಿತು.
ಕಾರ್ಯಕ್ರಮದ ನೇತೃತ್ವವನ್ನು ಜಾಮೀಯ ಮಸೀದಿ ಖತೀಬರಾದ ತೈಯಬ್ ಹುಸೇನ್ ನೂರಿಯವರು ವಹಿಸಿದ್ದರು.
ಸಂಜೆ 4-30ಕ್ಕೆ ಮಿಲಾದ್ ಮೆರವಣಿಗೆ ಜಾಮೀಯ ಮಸೀದಿ ಬಳಿಯಿಂದ ಪ್ರಾರಂಭಗೊಂಡು ಊರಿನ ಪ್ರಮುಖ ಬೀದಿಗಳಲ್ಲಿ ಸಂಚಾರಿಸಿ ಯೋಜನಾನಗರ ಆಡಳಿತಸೌಧ ಬಳಿಯಿಂದ ಸಾಗಿ ಅಂಜುಮಾನ್ ಮೈದಾನದಲ್ಲಿ ಸಮಾರೋಪಗೊಂಡಿತು.
ಮೆರವಣಿಗೆ ನಂತರ ಜಾತಿಮತ ಭೇದವಿಲ್ಲದೆ ಸಾರ್ವಜನಿಕರಿಗೆ ಊಟೋಪಚಾರ ವ್ಯವಸ್ಥೆ ಮಾಡಲಾಯಿತು. ರಾತ್ರಿ 8-30 ಜಾಮೀಯ ಮಸೀದಿಯಲ್ಲಿ ಸಯ್ಯದ್ ಅಲವಿ ತಂಞಳ್ ಕರ್ಕಿ ಇವರ ನೇತೃತ್ವದಲ್ಲಿ ಜಲಾಲಿಯ ಮಜ್ಲೀಸ್’ ಹಾಗೂ ದುಃಆ ಕಾರ್ಯಕ್ರಮ ನಡೆಯಿತು. ಕೊನೆಗೆ ಕಾರ್ಯಕ್ರಮಕ್ಕೆ ಎಲ್ಲಾ ರೀತಿಯ ಸಹಾಯ ಸಹಕಾರ ನೀಡಿದವರಿಗೆ ಹಾಗೂ ಸಹಕಾರ ನೀಡಿದ ಬೈಂದೂರು ಪೋಲಿಸ್ ಠಾಣೆ ಸಿಬ್ಬಂದಿಗಳಿಗೆ ಕೃತಜ್ಞತೆ ಸಲ್ಲಿಸುದರೊಂದಿಗೆ ಕಾರ್ಯಕ್ರಮ ಮುಕ್ತಾಯಗೊಂಡಿತು.