ಡೈಲಿ ವಾರ್ತೆ: 19/OCT/2023
✒️ಓಂಕಾರ ಎಸ್. ವಿ. ತಾಳಗುಪ್ಪ
ಸಾಗರ: ಸಮಾಜಮುಖಿಯಾಗಿದ್ದ ಖ್ಯಾತ ಪತ್ರಕರ್ತ ” ಶ್ರೀ ಬಿ. ಆತ್ರಿ ” ಆತ್ಮಹತ್ಯೆಗೆ ಶರಣು!
ಸಾಗರ: ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕು ಸಮಾಜವಾದಿ ಚಳುವಳಿಯಲ್ಲಿ ಮುಂಚೂಣಿಯಲ್ಲಿದ್ದ ಮತ್ತು ಸಮಾಜವಾದಿ ಹೋರಾಟಗಾರರಿಗೆ ಕರಪತ್ರಗಳನ್ನೂ ಉಚಿತವಾಗಿ ಮುದ್ರಣ ಮಾಡಿಕೊಟ್ಟು ತಮ್ಮದೇ ಮುದ್ರಣ ಕಛೇರಿಯನ್ನೇ ಸಮಾಜವಾದಿ ಮುಖಂಡರ ಕಛೇರಿಯಾನ್ನಾಗಿ ಸಹಕಾರ ಸಹಿತ ಬೆಂಬಲ ನೀಡುತ್ತಿದ್ದ ಶ್ರೀಯುತ ಪ್ರಭಾಕರ ಕುಲಪುತ್ರ ಪತ್ರಕರ್ತ ಬಿ. ಆತ್ರಿ ರವರು ತಮ್ಮ ಸಾಗರ ಮುದ್ರಣ ಕಛೇರಿಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಮಾಹಿತಿ ಇದೀಗ ಲಭ್ಯವಾಗಿದೆ.
ಸ್ಥಳದಲ್ಲಿ ಸಾಗರ ಪೇಟೆ ಪೊಲೀಸರು ತನಿಖೆ ನೆಡೆಸುತ್ತಿದ್ದಾರೆ.
ಖ್ಯಾತ ಪತ್ರಕರ್ತ, ಸಮಾಜಮುಖಿಯಾಗಿದ್ದ ” ಶ್ರೀ ಬಿ. ಆತ್ರಿ ” ನಮ್ಮನಗಲಿರುವುದನ್ನು ಕರ್ನಾಟಕ ರಾಜ್ಯ ಕಾರ್ಯ ನಿರತ ಪತ್ರಕರ್ತರ ಸಂಘ (ರಿ ) ಸಾಗರ ಶಾಖೆಯ ಅಧ್ಯಕ್ಷರಾದ ನಾಗೇಶ್, ಕಾರ್ಯದರ್ಶಿಯಾದ ಮಹೇಶ್ ಹೆಗಡೆ ಹಾಗೂ ಸಹ ಪದಾಧಿಕಾರಿಗಳು, ದಿನೇಶ್ ಡಿ, ಸಾಗರ ನಗರ ಕಾಂಗ್ರೆಸ್ ಪಕ್ಷದ ಪ್ರಧಾನ ಕಾರ್ಯದರ್ಶಿ, ಗಿರೀಶ್ ಕೋವಿ, ತಾರಾಮೂರ್ತಿ, ಲಾರಿ ಗಂಗಣ್ಣ, ರಾಘವೇಂದ್ರ ಹಾಗೂ ಅಪಾರ ಸ್ನೇಹಿತರು, ಬಂದು ಬಳಗ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ
ಆಪ್ತ ಸ್ನೇಹಿತ ” ಶ್ರೀ ಬಿ. ಆತ್ರಿ ” ಅಗಲಿಕೆಯಿಂದ ಮಿಡಿಯುತ್ತಿದೆ ಕಂಬನಿಗಳು 😭 ಓಂಕಾರ ಎಸ್. ವಿ. ತಾಳಗುಪ್ಪ